web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Largimi i Mërgjyshit, Apolonia zgjedh trajnerin

1 Tetor 2024, 19:07, Sport CNA

ZYRTARE/ Largimi i Mërgjyshit, Apolonia zgjedh trajnerin

Artan Mërgjyshi, u largua nga drejtimi i Apolonisë, pas humbjes me Flamurtarin, duke dhënë dorëheqjen. Fierakët nuk kanë humbur kohë dhe kanë zgjedhur trajnerin e ri.

Apolonia do të drejtohet nga Sedat Pajaziti, i cili në verë u afrua te skuadra e Kategorisë së Parë, si drejtor teknik.

Kjo u konfirmua nga vetë klubi, nëpërmjet një postimi në rrjetët sociale.

“Sedat Pajaziti, aktualisht mban postin e drejtorit teknik të klubit, por klubi i blertë vendosi ta kalojë kryetrajner duke konsideruar karrierën e tij si futbollist dhe si specialist i nivelit të lartë të futbollit dhe me karrierë të pasur në Kosovë e më gjerë. I lindur në Tërnoci të Madh, Serbi, Pajaziti është diplomuar në Universitetin e Edukimit Fizik dhe zotëron gjuhët angleze dhe serbe. Ai ka shërbyer si trajner i ekipeve të njohura si Drita, Gjilani dhe Drenica në Kosovë, dhe ka trajnuar lojtarë të spikatur si Samir Ramizi, Gjelbrim Taipi,  Arbnor Fejzullahu, Almedin Murati, Leutrim Pajaziti etj.

Sedat Pajaziti ka një karrierë të pasur si trajner, duke përfshirë pozitat e mëparshme si kryetrajner i ekipit të të rinjve KF Tërnoci, kryetrajner KF Tërnoci, ndihmës trajneri i Teutës, kryetrajner  te Gjilani, Drita, KEK-u, Drenica dhe Vllaznimi i Gjakovës. Me licencat UEFA B dhe UEFA A, si dhe një përvojë të pasur në menaxhimin e ekipeve, Pajaziti pritet të sjellë freski dhe profesionalizëm në skuadrën fierake, duke e udhëhequr në sfidat e reja të kampionatit për këtë sezon dhe garën për Kupën e Shqipërisë. Ai do të bashkëpunojë me zv.trajnerin Nuredin Orelesi, ish-lojtar i spikatur i Apolonisë dhe i skuadrave të Superiores së Shqipërisë, si dhe skuadrave në Europë”, shkruan klubi.





Lajmet e fundit nga