web counter
LEXO PA REKLAMA!

SHKARKO APP

App Store
Google Play

Legjendë e Spanjës dhe Barcelona-s, Iniesta vendos të tërhiqet nga futbolli

1 Tetor 2024, 10:51, Sport CNA
Legjendë e Spanjës dhe Barcelona-s, Iniesta vendos të
Andres Iniesta

Një nga emrat më legjendarë të futbollit të Spanjës, Andres Iniesta, ka vendosur që ta mbyllë me futbollin në moshën 40-vjeçare.

Vendimin e tërheqjes nga futbolli, mesfushori do ta bëjë publik më 8 tetor 2024 ose të paktën kështu raportojnë mediet spanjolle.

40-vjeçari mbeti pa ekip këtë verë, pasi i mbaroi kontrata me Emirates Club, ndaj dhe tashmë ka vendosur që të mbyllë kapitullin e të luajturit futboll. 

Andres Iniesta ka një karrierë legjendare me plot trofe, gola dhe asistime.

Ndërsa ishte futbollist i Barcelona-s ai fitoi gjithçka, katër tituj të Ligës së Kampionëve, tre trofe të Kupës së Botës për Klube, nëntë tituj të La Liga-s, tre tituj të Superkupës së Europës, gjashtë tituj të Kupës së Mbretit dhe shtatë tituj të Superkupës së Spanjës.

Megjithatë, ai ka arritur pafund edhe me kombëtaren e Spanjës, me Iniestën që u shpall dy herë kampion i Europës në vitin 2008 dhe 2012, duke u shpallur madje lojtari më i mirë i turneut në këtë të fundit.

Ndërkohë, Botërori i vitit 2010 me shumë mundësi do të mbetet kujtimi më i bukur i legjendës spanjolle, aty ku me golin e tij në kohën shtesë ndaj Holandës bëri që Spanja të shpallet kampion bote./CNA





Lajmet e fundit nga