web counter
LEXO PA REKLAMA!

SHKARKO APP

App Store
Google Play

E fundit!

x

Moviola/ Jorgji “ngel në klasë”, gabimet e bëra në Tirana-Skënderbeu që ndëshkuan korçarët

30 Shtator 2024, 14:47, Sport CNA

Moviola/ Jorgji “ngel në klasë”, gabimet e bëra

Enea Jorgji duket se nuk ishte në ditën e tij më të mirë. Arbitri ishte protagonist i disa gabimeve, në ndeshjen e javës së shtatë, në Tirana-Skënderbeu.

Pretendimet e korçarëve për këtë takim kanë qenë të shumta, ndërsa ka nga ata që ndihen të vjedhur.

Kryesori më i mirë i Shqipërisë nuk kupton një penallti pesë metra larg, për të mos folur për raste të tjera të dyshimta.

Në minutën e 34-t, edhe pse shumë afër aksionit, Jorgji nuk akordoi penallti për Skënderbeun, pas rrëzimit të Rashicës në zonë. Madje gjyqtari e ndëshkoi sulmuesin me karton të verdhë, për simulim. Megjithatë, pas rishikimit në VAR, vendosi të akordojë penallti.

I dyshimtë ishte edhe rasti i minutës së 69-të. Kola pason mbrapa për Selmanin, i cili hutohet dhe thuajse lejon topin të shkonte në rrjetë. Portieri ndal në kohë topin para se të kalonte plotësisht vijën fatale të portës. Pamjet sërish jo shumë të qarta. Kuadri i parë të jep përshtypjen se është gol, ndërsa në pamjet e tjera nuk ka qartësi. Si gjyqtarë dhe VAR-i thonë jo gol. Rast shumë i dyshimtë.

Pretendime te korçarët ka edhe për rastin e minutës së 90-të, kur Krasniqi depërton në zonë dhe pas dy kontaktesh, në fillim me Metën dhe më pas me Gjumsin rrëzohet. Jorgji lë lojën të vazhdojë. Më pas VAR-i shqyrton pamjet dhe kryesori bën shenjë që loja të vazhdojë. Edhe pse VAR-i ka certifikuar gjyqtarin, rasti duket se është penallti. Vendim i gabuar i arbitrave. Mund të ishte penalltia e barazimit.





Lajmet e fundit nga