web counter
LEXO PA REKLAMA!

SHKARKO APP

App Store
Google Play

E fundit!

x

Broja dhe Manaj të dëmtuar, dy alternativat e Sylvinho-s për qendrën e sulmit

1 Tetor 2024, 15:02, Sport CNA
Broja dhe Manaj të dëmtuar, dy alternativat e Sylvinho-s për
Kombetare

Ndeshjet e tetorit në Ligën e Kombeve po afrojnë me kombëtaren shqiptare të futbollit që do të ndeshet me Republikën Çeke dhe Gjeorgjinë.

Momentalisht trajneri Sylvinho duhet të mendojë mirë për ekipin që do të zgjedhë të ketë në dispozicon për këto sfida.

Megjithatë, vlen të theksohet se reparti më problematik është sulmi, ose më saktë qendra e sulmit.

Me shumë mundësi në këto dy ndeshje “kuqezinjtë” do duhet të bëjnë pa Armando Brojën dhe pa Rey Manaj-n.

Sulmuesi që është pjesë e skuadrës së Everton, qëndron jashtë fushës së blertë që nga një gushti, pra për plot dy muaj, me Brojën që vuan prej një dëmtimi.

Nga ana tjetër, Manaj ka munguar në dy ndeshjet e fundit të Sivasspor-it, me lushnjarin që la fushën i dëmtuar më 14 shtator, në ndeshjen e ekipit të tij ndaj Gaziantep. Sfidë në të cilën Rey Manaj kishte shënuar golin e vetëm dhe të fitores për Sivasspor-in.  

Në një situatë të tillë, Sylvinho është duke menduar për alternativat që ka, me Shqipërinë që qendërsulmues në dispozicion ka vetëm Taulant Seferin dhe Mirlind Dakun.

Në këto rrethana për ndeshjet e tetorit mund të marrin ftesa, Armando Sadiku, që luan për Goa-n në Indi dhe që në tre ndeshje që ka luajtur ka shënuar tre gola.

Mundësia tjetër mbetet edhe Giacomo Vrioni, që luan në Amerikë me New England Revolution.

Megjithatë, duke e njohur Sylvinho-s, nuk do të ishte habi nëse në listën e Kombëtares për ndeshjet ndaj Çekisë dhe Gjerogjisë të kishte ndonjë emër surprizë për qendrën e sulmit./CNA

 





Lajmet e fundit nga