web counter
LEXO PA REKLAMA!

SHKARKO APP

App Store
Google Play

E fundit!

x

Situatë kaotike te Tirana, ylli i ekipit rrezikon sezonin

29 Shkurt 2024, 11:32, Sport CNA

Tirana po kalon sezonin më të vështirë të viteve të fundit. Bardheblutë e nisën si pretendentë kryesorë për të rrëzuar Partizanin nga froni, por aktualisht po rrezikojnë edhe prezencën në "Final Four". Javën e shkuar dolën edhe nga 4-shja, të cilën e rigjetën sërish këtë fundjavë me një barazim zhgënjyes ndaj Laçit me 10 lojtarë.

E radhës është një nga ato të zjarrtat, Klasikja e Shqipërisë me Vllazninë në Shkodër. Mirëpo, s’do të jetë aspak e lehtë sidomos me mungesat. Pikërisht ndaj Laçit, talenti i ekipit, Erman Meta, pësoi një dëmtim që e detyroi të largohej nga loja.

Shqetësimi dukej që në sytë e stafit mjekësor e trajnerit Fagu. Në një moment të tillë të sezonit, mungesa e një titullari absolut është një goditje e rëndë. Fatkeqësisht, shqetësimi i bardhebluve ishte i drejtë. Ermal Meta ka pësuar një goditje në menisk dhe do të jetë të paktën 2 muaj jashtë fushave të lojës, sipas ekzaminimeve të kryera.

2 muaj janë jashtë mase shumë, gati e gjithë pjesa e mbetur e sezonit. Në rastin më të keq, Tirana shpreson që lojtari të rikthehet për "Final Four", por sipas të gjitha gjasave, rikthimi mund të jetë më i hershëm.





Lajmet e fundit nga