web counter
LEXO PA REKLAMA!

SHKARKO APP

App Store
Google Play

E fundit!

x

Silvinjo shkoi ta ndiqte në stadium, por Broja nuk grumbullohet me ekipin

17 Shkurt 2024, 16:54, Sport CNA

Armando Broja, pritej të ishte në fushë në ndeshjen që Fulham po luan ndaj Aston Villa-s, por sulmuesi nuk figuron as në stolin e skuadrës londineze.

Në këtë situatë, shumëkush ka dashur të dijë arsyet e kësaj mungese të papritur për sulmuesin, pasi një ditë më parë edhe trajneri Marko Silva kishte deklaruar se ai ishte një kandidat potencial për të luajtur në këtë sfidë që në startin e ndeshjes.

Nëpërmjet rrjeteve sociale, ka qenë vetë klubi i Fulham i cili ka shpjeguar se mungesa e Brojës kishte lidhje me gjendjen shëndetësore të lojtarit të Kombëtares, por jo një dëmtim.

“Armando Broja humb ndeshjen e sotme për shkak të një problemi shëndetësor”, shkruhej në njoftimin e klubit, duke u dhënë përgjigje pyetjeve të shumë tifozëve në rrjetet sociale.

Për këtë sfidë, kishte shkuar edhe trajneri i Shqipërisë, Silvinjo, që donte ta ndiqte sulmuesin nga afër, por për fatin e tij të keq, Broja e kishte të pamundur të ishte në fushë.





Lajmet e fundit nga