web counter
LEXO PA REKLAMA!

SHKARKO APP

App Store
Google Play

Silvinjo: Ndeshje ndryshe me Serbinë, doja të sillja edhe babain nga Brazili

6 Qershor 2025, 19:23, Sport CNA

Silvinjo: Ndeshje ndryshe me Serbinë, doja të sillja edhe babain nga

Shqipëria do të përballet me Serbinë, në ndeshjen e vlefshme për kualifikueset e Botërorit. Në prag të kësaj përballje, për mediat foli trajneri Silvinjo, i cili theksoi se kjo është një ndeshje ndryshe nga të tjerat.

Tekniku kuqezi foli edhe për interesimin e lartë, duke thënë se ka dëgjuar për 800 mijë kërkesa, ndërsa shtoi se do të donte ta sillte edhe babain e tij nga Brazili, por është shumë larg.

“Nuk kemi asgjë për të fshehur. Ata kanë parë 5-6 ndeshje të fundit tonat, po ashtu ne kemi parë ndeshjet e tyre, i kemi analizuar. Nuk mendoj që kanë arritur të kapin ndonjë element. Ata na njohin, ne i njohim.

Është një ndeshje ndryshe. Shpresojmë të dhurojmë një ndeshje në asketin sportiv. Të dyja skuadrat kanë lojtarë dhe trajnerë të mirë. Uroj ta shijojmë. Kam dëgjuar se ka pasur mbi 800 mijë kërkesa dhe janë me fat ata që do të jenë në stadium. Unë doja të sillja edhe babain tim nga Brazili, por ishte shumë gjatë.

Unë kam luajtur në ndeshje të mëdha dhe që kanë pasur peshë e përgjegjësi të madhe. E kam bërë këtë, por para 15 vitesh, kur ishte më e lehtë, sepse nuk kishte aq shumë rrjete sociale. Mesazhi është që të japin gjithçka në fushë”, u shpreh Silvinjo.





Lajmet e fundit nga