web counter
LEXO PA REKLAMA!

SHKARKO APP

App Store
Google Play

Trajneri i Serbisë vlerëson Shqipërinë: Janë të fortë, por dua vetëm fitore. Nuk pajtohem me barazim

6 Qershor 2025, 18:11, Sport CNA

Trajneri i Serbisë vlerëson Shqipërinë: Janë të

Trajneri i Serbisë, Dragan Stojkovic, vlerësoi maksimalisht Shqipërinë, në prag të duelit mes dy kombëtareve.

Në konferencën për shtyp, ai theksoi se ka ardhur në Tiranë vetëm për fitore dhe nuk pajtohet me rezultat tjetër.

“Kjo është ndeshja e parë për ne në kualifikuese, Shqipëria i ka bërë dy ndeshje. Shqipëria është një ekip i mirë, ka lojtarë të mirë dhe një trajner të shkëlqyer si Silvinjo. Duhet të jemi të kujdesshëm dhe të përqendruar. Nuk duhet të bëjmë gabime sepse mund të na ndëshkojnë. 

Kemi ndjekur pesë ndeshjet e fundit të Shqipëri. Është ekip i motivuar dhe i përgatitur mirë. Si ekip janë të sigurt dhe me vetëbesim. Mendoj që për atë që treguan në Europian, e merituan të ishin aty.

I pasqyron agresiviteti në fushë. Janë lojtarë kualitativë. Strakosha është i shkëlqyer, Gjimshiti po ashtu. Janë një ekip solid. Lojtarëve ua kemi thënë atë që duhet. Kemi thënë informata të sakta për lojtarët. Mendoj se edhe kundërshtari ka bërë të njëjtën gjë.

Në Tiranë kemi ardhur për fitore dhe jo për barazim. Do bëjmë të pamundurën për ta arritur këtë.

Çdo gjë që është bërë për këtë ndeshje, jam i kënaqur. Jam i lumtur për mënyrën si janë sjellë lojtarët për këtë ndeshje. Të shohim edhe stërvitjen e radhës dhe nëse është çdo gjë në rregull, formacioni do të jetë ai që kam në kokë.

Çdo ndeshje ka diferencë nga njëra te tjetra. Duhet të jemi të fokusuar për të mposhtur Shqipërinë. Nuk mundemi të fitojmë ndaj Shqipërisë, nëse nuk luajmë shumë mirë”, deklaroi Stojkovic.





Lajmet e fundit nga