web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria bind, por mposhtet nga Anglia. Vendos Harry Kane

16 Nëntor 2025, 19:56, Sport CNA

Shqipëria bind, por mposhtet nga Anglia. Vendos Harry Kane

Kombëtarja shqiptare është mposhtur 0-2 nga Anglia në stadiumin “Air Albania”, në ndeshjen e fundit të kualifikueseve për Kupën e Botës 2026. Ky takim mbyll një rrugëtim pozitiv për kuqezinjtë, i cili kulmoi me arritjen historike të kualifikimit në fazën “play off”. Përballë një prej përfaqësueseve më të forta në kontinent, Shqipëria zhvilloi një paraqitje shumë të mirë për pjesën më të madhe të kohës, veçanërisht në pjesën e parë dhe në minutat e para të pjesës së dytë.

Fraksioni i parë u mbyll pa gola. Në nisje të pjesës së dytë, Shqipëria krijoi dy mundësi të mira me Hoxhën dhe Bajramin, të cilat nuk u shfrytëzuan. Me kalimin e minutave, Anglia rriti presionin dhe arriti të zhbllokonte ndeshjen në minutën e 74-t, kur Harry Kane shënoi pas një situate të krijuar nga goditja e këndit. Sulmuesi anglez realizoi edhe golin e dytë në minutën e 82-t, me një goditje me kokë pas një krosimi nga Rashford.

Pavarësisht rezultatit, Shqipëria e mbyll këtë fazë kualifikuese me një bilanc pozitiv. Kuqezinjtë renditen në vendin e dytë të grupit me 14 pikë, duke siguruar kështu pjesëmarrjen në “play off”. Anglia, nga ana tjetër, e mbyll Grupin K në vendin e parë me 24 pikë të plota, pa pësuar asnjë gol gjatë gjithë fushatës. Kombëtarja shqiptare do të përqendrohet tani te përgatitjet për sfidat e marsit, të cilat do të jenë vendimtare për ëndrrën e kualifikimit në Botëror.





Lajmet e fundit nga