web counter
LEXO PA REKLAMA!

SHKARKO APP

E fundit!

x

Sot, Shqipëri-Angli/ Kuqezinjtë synojnë të ndalin “Tre Luanët”

16 Nëntor 2025, 07:21, Sport CNA

Sot, Shqipëri-Angli/ Kuqezinjtë synojnë të ndalin “Tre

Mbrëmjen e kësaj të diele, Kombëtarja shqiptare do të përballet me Anglinë, në duelin e fundit për kualifikueset e Botërorit.

Kuqezinjtë siguruan kualifikimin historik në “play off” të Botërorit, pas fitores minimale ndaj Andorrës pak ditë më parë.

Skuadra e drejtuar nga Silvinjo vjen e qetë në këtë duel dhe synon ta mbyllë me rezultat pozitiv rrugëtimin në kualifikuese.

Megjithatë, gjithçka do të jetë shumë e vështirë. Përballë është Anglia, që vjen si kryesuese me 21 pikë, me shtatë fitore në po kaq ndeshje dhe pa asnjë gol të pësuar.

Skuadra e drejtuar nga Thomas Tuchel po kalon një moment të artë dhe kërkon fitoren e radhës në Tiranë.

Ndeshja e parë mes dy kombëtareve, Anglai fitoi me rezultatin 2-0 në Londër, në debutimin e Tuchel në stol.

Shqipëria vjen në moment të mirë, me pesë fitore radhazi mes ndeshjeve zyrtare dhe atyre miqësore, me 14 pikë të grumbulluara në grupin K.

Kuqezinjtë kanë lënë pas Serbinë, me 10 pikë dhe kanë filluar të mendojnë për ndeshjet e muajit mars, në “play off”, ku pritet të mësohet kundërshtari pas shortit.

Ndeshja mes Shqipërisë dhe Anglisë, do të luhet në stadiumin “Air Albania”, duke nisur nga ora 18:00.





Lajmet e fundit nga