web counter
LEXO PA REKLAMA!

SHKARKO APP

App Store
Google Play

E fundit!

x

Valduci uron Kombëtaren, zbulon “sabotatorin”

15 Nëntor 2025, 15:57, Sport CNA

Valduci uron Kombëtaren, zbulon “sabotatorin”

Kryetari i bordit drejtues të Skënderbeut, Adriano Valduci ka reaguar me pak vonesë, pas fitores së Kombëtares ndaj Andorrës.

I pyetur nga CNA, Vaduci sqaroi vonesën dhe ndërhyrjet që i sollën suksesin ekipit kuqezi.

“Reagova me vonesë, sepse doja të fitoja qetësinë dhe doja të zbuloja të vërtetën e atij skandali që ka ndodhur. Në pjesën e parë, skuadra nuk ishte e vendosur sipas skemën time 2-5-4, por më pas unë ndërhyra. Pra, ndërhyrja ime strategjike pranë Silvinjos dhe Dukës bëri që të ndryshohej skema në 2-4-5, çka solli edhe golin", tha ai.

Në prononcimin për CNA, Valduci zbuloi edhe “sabotatorin” e vërtetë të Kombëtares, i cili kishte dhënë skemën e pjesës së parë.

“Ky është Ardjan Takaj, presidenti i Skënderbeut, i cili ka gabuar me skemën e tij. Ai nuk ka më përgatitjen sportive dhe tekniku-taktike që ka pasur më parë. Kjo e rrezikoi shumë Kombëtaren dhe për këtë i kam bërë vërejtje të fortë presidentit Duka dhe trajnerit Silvinjo”, u shpreh Valduci.

Po ashtu, Valduci i është drejtuar presidentit Takaj me fjalët: “Të të vijë rëndë...”

“Shpresoj që në ndeshjen me Anglinë të ndiqen skemat e mia. Megjithëse jemi kualifikuar, duhet t’i tregojmë luanëve se në jemi tigra të vërtetë, sepse stadiumi do të jetë plot. Uroj që skemat e mia t’i përdorim që në pjesën e parë”, u shpreh Valduci.

Valduci theksoi se nesër do të festojë triumfin e Kombëtares dhe ka bërë kurban disa keca të cilat do të shkojnë në hell dhe do futen në furrë.





Lajmet e fundit nga