web counter
LEXO PA REKLAMA!

SHKARKO APP

App Store
Google Play

E fundit!

x

Tuchel vlerëson Shqipërinë: Të fortë në kundërsulme, e njoh mirë Brojën

15 Nëntor 2025, 21:23, Sport CNA

Tuchel vlerëson Shqipërinë: Të fortë në

Trajneri i Anglisë, Tomas Tuchel dëshiron të vazhdojë serinë e fitoreve radhazi edhe në duelin e fundit të kualifikueseve ndaj Shqipërisë.

Në konferencën për shtyp, ai vlerësoi performancat e deritanishme të Kombëtares shqiptare, duke theksuar se skuadra kuqezi paraqet rrezik të lartë në kundërsulme dhe ndryshon shpesh strukturën e saj gjatë lojës. Sipas tij, fleksibiliteti në mesfushë dhe lëvizjet e shpejta në krahë përbëjnë një sfidë të rëndësishme për mbrojtjen angleze.

“Ata janë shumë të fortë në kundërsulme, janë shumë fleksibël në mesfushë, ndryshojnë shumë pozicione, të cilat do të jenë mjaft të vështira për t'u mbrojtur. Atyre u pëlqen të sulmojnë në të djathtë me shumë shpejtësi dhe krosime të rrezikshme”, u shpreh tekniku gjerman.

Tuchel foli edhe për Armando Brojën, të cilin e njeh nga periudha te Chelsea. Ai tha se e pret Brojën të aktivizohet në krahun e djathtë, duke e konsideruar si lojtar që sjell thellësi, shpejtësi dhe kërcënim të vazhdueshëm drejt portës. Trajneri i anglezëve nënvizoi se ekipi i tij duhet të jetë i kujdesshëm ndaj lëvizjeve të sulmuesit shqiptar, duke kërkuar zgjidhjet e duhura për ta neutralizuar.

“E dimë që një portë e paprekur mund të thyhet gjithmonë në futboll. Brojën e njoh shumë mirë sepse ishte lojtari im te Çelsi. Ai luan rregullisht për Shqipërinë dhe kryesisht në krahun e djathtë, ku e presim për këtë ndeshje. Ai sjell thellësi dhe shpejtësi, është i rrezikshëm sepse gjithmonë mendon për të shënuar. Shpresoj të kemi zgjidhje për ta mbrojtur atë”, u shpreh Tuchel.

Ndeshja Shqipëri-Angli, do të luhet në “Air Albania”, duke nisur nga ora 18:00.





Lajmet e fundit nga