web counter
LEXO PA REKLAMA!

SHKARKO APP

App Store
Google Play

E fundit!

x

Kush e drejton Shqipërinë në “play off”? Armand Duka zbulon të ardhmen e Silvinjos

16 Nëntor 2025, 13:40, Sport CNA

Kush e drejton Shqipërinë në “play off”? Armand Duka

Presidenti i Federatës Shqiptare të Futbollit, Armand Duka, foli në prag të ndeshjes Shqipëri-Angli, që do të luhet në stadiumin “Air Albania”.

Kreu i FSHF komentoi shanset që Shqipëria dhe Kosova të përballen në raundin play-off të Kupës së Botës 2026.

“Anglia është një kundërshtar i fortë. Është skuadra e cila i ka fituar të gjitha ndeshjet e grupit, nuk ka pësuar asnjë gol, vjen si kryesuese e grupit tonë. Është për t’u respektuar maksimalisht, por gjithsesi ekipi ynë di të bëjë mirë edhe kundër skuadrave të tjera, megjithëse kundër Anglisë nuk kemi bërë mirë asnjëherë dhe shpresoj ta bëjmë sepse presioni është pothuajse inekzistent, pasi të dyja skuadrat e kanë siguruar ose e kanë marrë atë që pritej nga grupi, vendin e parë dhe vendin e dytë.

Por ta bëjmë sa mirë për të kënaqur spektatorët dhe pse jo për të bërë një rezultat historik. Ata që do të marrin më shumë kënaqësi nëse ne shkojmë në Botëror janë futbollistët, dhe ata duhet të luajnë për kënaqësinë e vet. Ata na kanë bërë krenarë me kaq sa kanë arritur, me pjesëmarrjen në play-off, me fitoren kundër Serbisë, me një performancë pozitive gjatë gjithë kualifikueseve dhe gjatë gjithë vitit 2025. Të mundohen ta shmangin presionin e madh ‘obobo kualifikimi në Botëror’ dhe ta shijojmë play-off-in për të marrë maksimumin, duke e shijuar në mënyrën më të mirë profesionale.

E vetmja gjë, e vetmi urim që kam, është që të mos kemi Kosovën përballë, sepse do të ishte vërtet një fatkeqësi për ne, për Kosovën të detyrohemi të sfidojmë njëri-tjetrin. Unë do të dua shumë që ne të vazhdojmë paralelisht që të realizojmë ëndrrën tonë për në Botëror pa u përplasur në asnjë moment. Uroj dhe dëshiroj shumë që të mos ndodhë për këtë arsye që thashë, që ne dhe Kosova të vazhdojmë, por nëse do të ndodhë, do ta mendojmë në momentin që ndodh”, tha ai.

Duka kishte edhe një këshillë për Armando Brojën. Presidenti i Federatës Shqiptare ka edhe dilemat e të ardhmes së trajnerit Silvinjo, në stolin e kombëtares kuqezi.

“Qartësisht nuk ishte i kënaqur me veten, pretendon shumë e më shumë nga vetja e tij sepse e njeh aftësinë e tij, i di kualitetet që ka, mund të bëjë shumë më mirë. Në të njëjtën mënyrë që të gjithë ne që e duam edhe Brojën edhe ekipin kombëtar. E dimë që ai është një futbollist me aftësi të veçanta, por futbolli i njeh këto, jo vetëm tek Broja, por tek të gjithë yjet e botës. Ka oscilacione, ka ndeshje ku mund të mos jesh në maksimumin e tij, por ai mbetet një futbollist shumë i talentuar, me shumë potencial dhe jam shumë e sigurt që do ta ndihmojmë shumë kombëtaren shqiptare.

Padyshim që Silvinjo bashkë me stafin e tij do të vazhdojnë, sepse ne kemi ndeshjet e play-off dhe nuk mund të prekim asgjë deri në play-off. Dhe të shohim si do të shkojnë ndeshjet e play-off për të vendosur më tej”, u shpreh Duka për Klan News.





Lajmet e fundit nga