web counter
LEXO PA REKLAMA!

SHKARKO APP

App Store
Google Play

E fundit!

x

Shpërthejnë polemikat/ Pranohet gafa, Liverpoolit iu anula gol i rregullt

30 Shtator 2023, 23:36, Sport CNA

Organi i gjyqtarëve PGMOL (Professional Game Match Officials Limite) ka pranuar se vendimi për të anuluar golin e Luis Diaz në humbjen 2-1 të Liverpool-it ndaj Tottenham Hotspur ishte “një gabim i rëndësishëm njerëzor”.

Kur rezultati ishte ende 0-0 dhe Liverpooli me një lojtar më pak, goli i Diazit u anulua nga një vendim jashtëzakonisht i shpejtë i VAR-it, por çuditërisht, nuk u shfaq vija grafike që do të vërtetonte pozicionin e parregullt.

“PGMOL pranon se ka ndodhur një gabim i rëndësishëm njerëzor”, thuhet në deklaratë. “PGMOL do të kryejë hetim të plotë.”

Goli i Luiz Diaz u anulua për pozicion jashtë loje nga trupa e gjyqtarëve të ndeshjes në fushë. Ky ishte një gabim faktik i qartë dhe i dukshëm dhe duhej të rezultonte në dhënien e golit përmes ndërhyrjes së VAR-it, megjithatë VAR nuk arriti të ndërhynte.

Duke folur pas ndeshjes, Jurgen Klopp tha se humbja e skuadrës së tij erdhi në “rrethanat më të padrejta” dhe me “vendime të çmendura”.

Për golin e anuluar të Diazit, Klopp tha: “Nuk është pozicion jashtë loje, duket qartë. Topi është mes këmbëve të Salah, ata e  tërhoqën vijën gabim dhe nuk e gjykuan momentin kur Mo e kaloi topin drejt”.





Lajmet e fundit nga