E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Shkërmoqet mbrojtja e Erzenit në Ballsh, Bylisi mposht me goleadë shijakasit

30 Shtator 2022, 16:53, Sport CNA

Shkërmoqet mbrojtja e Erzenit në Ballsh, Bylisi mposht me goleadë

Bylisi dominon sfidën përballë Erzenit dhe mposht bindshëm shijakasit me rezultatin 4-1. Mallakastriotët shënojnë nga dy gola për çdo pjesë, ndërsa goli i Enck (Erzeni) vlen vetëm për statistika.

Shijakasit pësojnë humbjen e parë në kampionat, duke pësuar 4 gola në një sfidë të vetme. Thyhet mbrojtja e hekurt shijakase, që nuk kishte pësuar asnjë gol në 5 sfidat e para të kampionatit.

Bylis-Erzeni 4-1

(9’ Lajthia, 23’ Kaçorri, 57’ Beji, 89’ Felipe Souza / Enck 69’)

Mbyllet sfida!

89’ GOOOOOOL Shënon sërish Bylisi. Felipe Souza shënon një supergol. Rrëmben një gol në të majtë dhe godet nga distanca duke çuar topin në rrjetë

85’ Edhe 5 minuta kanë mbetur nga përfundimi i kohës së rregullt. Bylisi administron avantazhin, ndërsa Erzeni nuk po arrin që të rihapë ndeshjen

82’ Aksion i gjatë i Erzenit, finalizon Maloku por goditja e tij është shumë e lehtë për portierin Teqja

77’ Janë hapur skuadrat dhe është zbukuruar loja në këto minuta. Erzeni është hedhur në sulm, ndërsa vendasit zbresin rrezikshëm në kundërsulm

72’ Erzeni ka marrë zemër nga goli i shënuar dhe hidhet në sulm. Provon Nonato, por Teqja është në pocizion

69’ GOOOOOOOL Shënon Erzeni me Enck. Këndore për shijakasit dhe mbrojtësi shënon me kokë

65’ Edhe Bylisi bën disa zëvendësime. Largohen Lajthia dhe Beji

61’ Erzeni mundohet të reagojë me Asanin, por goditja e tij nga distanca përfundon mbi kuadrat

57’ GOOOOOOOOOOOOOL Shënon sërish Bylisi, këtë radhë me Beji. Xhika grushton një top në zonë dhe sulmuesi ballshiot i vetëm e ka shumë të lehtë të çojë në rrjetë topin

56’ Kundërsulm i Bylisit. Lajthia zbret rrezikshëm deri në kufijtë e zonës, por më pas gabon në pasimin e dhënë për shokët e skuadrës

52’ Bylisi fiton një goditje dënimi në hyrje të zonës së Erzenit. Provon Kaçorri, por Xhika është i vëmendshëm dhe grushton në këndore

48’ Beji shkëputet mirë pranë zonës, por goditja e tij devijohet nga një mbrojtës dhe më pas Xhika e ka të lehtë ta presë

46’ Kapllani hedh në fushë Malokun, në vend të Ademit

46’ Nis pjesa e dytë në Ballsh

Shembet muri i mbrojtjes së Erzenit në Ballsh, pasi vendasit e Bylisit shënojnë 2 gola në 45 minutat e para në “Adush Muça”. Vendasit luajnë më mirë dhe arrijnë të gjejnë 2 herë rrugën e rrjetës me Lajthinë dhe Kaçorrin.

45’ Mbyllet 2-0 pjesa e parë në Ballsh

41’ Mundohet edhe Erzeni të reagojë, por goditja e Asanit është jashtë kuadratit

38’ Rast i artë për Bylisin. Beji gjendet i lirë në zonë dhe bën më të vështirën duke nxjerrë jashtë topin me kokë

36’ Aksion i bukur i Erzenit, por Kadriu nuk arrin dot të finalizojë

34’ Provon edhe Alan nga distanca, por gjuajtja e tij pritet lehtësisht nga Teqja

33’ Erzeni fiton një goditje dënimi në hyrje të zonës së Bylisit. Provon Amir, që tenton portën por goditja e tij ndalet në mur

29’ Minuta të mira për vendasit që dominojnë sfidën. Bëji zbret bukur nga e djathta e sulmit, por goditja e tij është e pasaktë

26’ 2 golat e shpejtë duket se kanë tronditur Erzenin, që nuk po arrin të reagojë. Ndërkohë që vendasit mundohen që të administrojnë avantazhin

23’ GOOOOOL Shënon sërish Bylisi. Sërish një goditje këndi për vendasit. Ka një rrëmujë në zonë dhe Kaçorri përfiton dhe dërgon topin në rrjetë

19’ Ndalet loja pasi ka pësuar një dëmtim lojtair i Erzenit Nonato

16’ Goditje këndi për Erzenin. Provon Mehmeti, por goditja e tij nuk depërton dot në mbrojtjen vendase

14’ Erzeni mundohet të reagojë me Nonaton, por goditja e sulmuesit shijakas përfundon larg kuadratit

11’ Ka tension në fushë. Lojtarët e dy skuadrave debatojnë në fushë, pas një ndërhyrje të gabuar në dëm të Kadriut. Beji dhe Amir ndëshkohen të dy me kartonë të verdhë

9’ GOOOOOOL Zhbllokohet sfida në Ballsh. Goditje këndi për vendasit dhe Lajthia me kokë dërgon topin në rrjetë. 1-0 për Bylisin dhe Erzeni pëson golin e parë këtë sezon

8’ Vendasit luajnë më mirë dhe janë më kërkues. Bylisi ka zhvendosur lojën në gjysmëfushën e Erzenit, por sërish nuk ka asnjë sinjal të rrezikshëm në portë

5’ Minuta të qeta në “Adush Muça”. Bylisi mundohet që të marrë në dominim ndeshjen, por shijakasit janë vendosur mirë në fushë dhe nuk lënë hapësira. Mungojnë rastet e pastra në portat respektive

Dy skuadrat surprizë të këtij sezoni, Bylisi dhe Erzeni përballen sot në “Adush Muça” në kërkim të një tjetri rezultati pozitiv në kampionat. Mallakastriotët kërkojnë që të shfrytëzojnë faktorin fushë për tu rikthyer te fitorja, ndërsa shijakasit synojnë rezultatin pozitiv të radhës në Ballsh.

BYLIS – Teqja; Trumci, Janku, Damçevski, Loran; Maçolli, Qoshku, Lajthia; Perreira Da Silva, Kaçorri, Antoni Beji. Trajner: Arian Bellai.

ERZENI – Xhika; Iljazi, Krasniqi, Sadiki, Asani; Kahrimanoviç, Alan, Mehmeti; Ademi, Nonato, Kadriu. Trajner: Xhevahir Kapllani.