web counter
LEXO PA REKLAMA!

SHKARKO APP

App Store
Google Play

Shehi: Xhixha si Seferi, pozitive që shiten jashtë

17 Janar 2023, 15:15, Sport CNA

Orges Shehi pas fitores ndaj Lushnjes me shifrat 3-0 në Kupën e Shqipërisë theksoi për “Oversport” se skuadra e tij bëri mjaft mirë, ndërsa nuk ngurroi të theksonte se ruajti disa lojtarë edhe për sfidën në kampionat.

"Dominimi ndaj Lushnjes? Luajtëm shumë mirë, filluam ndeshjen shumë mirë. Ishim të rrjedhshëm në manovra. Mendova të ruaj disa lojtarë për shkak se në fundjavë do të luajmë në kampionat.

Të shqetëson gjendja e Xhixhës? Xhixha ka gjendje gripale dhe vendosëm të mos e rrezikojmë.

Lojtarët e akademisë? Ishin 3 lojtarë nga akademia dhe sigurisht mora lajme të mira nga ata. Janë lojtarë që kur të jepet mundësia duhen aktivizuar, pasi janë synimi ynë.

Rasti i Xhixhës? Ne këtë situatë e kemi përjetuar edhe me Seferin. Është akoma lojtari ynë dhe duke qenë në këtë gjendje sigurisht nuk mungojnë ofertat. Sigurisht që çdo trajner do që lojtarët më të mirë t'i ketë në skuadër që të luajmë në Europë, por ne vazhdojmë të kemi elementë të rinj. Sigurisht do ketë ofertë dhe kur të jetë e duhura ne do shikojmë çfarë do të bëjmë, dhe sigurisht është diçka pozitive që ata të shiten jashtë".





Lajmet e fundit nga