web counter
LEXO PA REKLAMA!

SHKARKO APP

App Store
Google Play

E fundit!

x

Partizani nuk e fal mesfushorin nga Kongo, e gjobit pasi u vonua një javë/ Ja si u justifikua lojtari

17 Janar 2023, 12:12, Sport CNA

Partizani nuk e fal mesfushorin nga Kongo, e gjobit pasi u vonua një

Masanga Matondo u vonua rreth një javë pas pushimeve dimërore që klubi i Partizanit iu dha lojtarëve për festat e fundvitit. Kjo e tërboi klubin e kuq dhe vetë trajneri Kolela e shprehu pakënaqësinë për sjelljen e lojtarit edhe pas humbjes me Vllazninë. “Për Matondon nuk kam asnjë koment. Pyesni klubin se çfarë ndodh me atë dhe jo me mua”, deklaroi italiani.

Zbulohet se Partizani ka vendosur të gjobisë Matondon për vonesën e gjatë. Lojtari mungoi për afro 7 ditë në stërvitje dhe kjo nuk u kalua lehtë nga drejtuesit.

Mesfushori pat deklaruar se kishte humbur avionin në Kongo për shkak të disa problemeve familjare, por kjo nuk është toleruar nga klubi.

“Nuk është as një ditë dhe as dy ditë, por është një javë. Në klub ka rregulla të përcaktuara qartë në kontratat e gjithsecilit dhe që duhet t’i respektojnë të gjithë, në të kundërt nuk shkojmë përpara”, ka qenë përgjigjja e drejtuesve ndaj mesfushorit.

Ai mësohet se e ka pranuar gjobën dhe ka nisur stërvitjen normalisht. Kujtojmë se 23-vjeçari Matondo është shndërruar në një lojtar të rëndësishëm për Partizanin prej dy sezonesh, ndërsa këtë kampionat ka luajtur gjithsej 11 ndeshje, 9 prej të cilave si titullar me kryesuesit e kampionatit.





Lajmet e fundit nga