E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Rrëzoi Flamurtarin në Kategorinë e Dytë/ Sinan Idrizi, administrator i klubit vlonjat i akuzuar për mashtrim

9 Shtator 2022, 12:51, Sport CNA

Rrëzoi Flamurtarin në Kategorinë e Dytë/ Sinan Idrizi,

Sinan Idrizi dhe Edi Rama

Sinan Idrizi është padyshim një nga drejtuesit më kontravers të klubeve shqiptare. U afrua me bujë te Flamurtari, duke premtuar se do t’i ngjiste kuqezinjtë në majat e futbollit shqiptar, por jo vetëm që nuk pati progres, por e zhyti këtë klub legjendar, në kategorinë më të ulët.

Në vitin, një nga biznesmenët më të famshëm në Turqi ka dorëzuar kallëzim penal në Stamboll kundër Idrizit për një mashtrim me vlerë 3.2 milionë euro për blerjen e një kompanie koncesionare në Shqipëri.

Idrizi, i njohur si sponsor i skuadrës së Flamurtarit dhe partneri i përzgjedhur nga qeveria shqiptare për pronësinë e kompanisë ajrore, "Air Albania", u akuzua për mashtrim nga Adnan Polat, një nga biznesmenët më të famshëm turq dhe zëvendëspresident i skuadrës së futbollit Gallatasarajt, në lidhje me marrjen e një shume prej 3.2 milionë eurosh në vitin 2017 nën premtimin e blerjes së kompanisë koncesionare GFI Albania.

Gazeta "Hyriet", një nga më të mëdhatë në Turqi, raportoi asokohe se Idrizi kishte refuzuar të kthejë paratë e marra për blerjen e kompanisë, e cila nuk është realizuar.

Ndërkohë edhe këtë sezon futbollistik, Idrizit është duke i dalë situata nga kontrolli. Pasi afroi një dyzinë me futbollistë të huaj, të cilët e ka më të thjeshtë t’i mashtrojë, administrator i Flamurtarit, shkarkoi trajnerin Dritan Resuli në javën e parë, duke i besuar stolin një tjetër matrapazi si Marçelo Trosi.

Me Sinan Idrizin në krye, Flamurtari, një nga klubet më të mëdha të futbollit shqiptar, do të mbetet gjithmonë peng i dështimeve dhe mashtrimeve. Duket se ky njeri është i lindur për këtë fushë./CNA.AL