web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet titullari/ Skënderbeu me dy mungesa të rëndësishme ndaj Partizanit

24 Shkurt 2024, 22:59, Sport CNA

Rikthehet titullari/ Skënderbeu me dy mungesa të rëndësishme

Ditën e dielë, Skënderbeu do të presë në shtëpi Partizanin për të luajtur ndeshjen e vlefshme për javën e 26-të të “Abissnet Superiore’.

Një ndeshje mjaft e rëndësishme për të dyja ekipet, me Partizanin që kërkon të “blindojë” pozitat e tij në “Final Four”, ndërkohë Skënderbeu kërkon pikë për të shkuar sa më pranë katërshes së parë.

Para kësaj sfide, trajneri i Skënderbeut, Ivan Gvozdenovic i gëzohet një rikthimi, por “qan” dy mungesa të tjera. Klevis Shaqe është rikthyer dhe është i gatshëm për ndeshjen e nesërme ndaj Partizanit.

“Do shikojmë nesër, ishte një derbi kundër Dinamos, tani kemi derbin kundër Partizanit. Franklin është jashtë, lajmi i mirë është se Shaqja është rikuperuar bashkë me Pecanin. Sot kemi stërvitjen e fundit, dhe pastaj do vendosim.

Është një ndeshje shumë e fortë dhe e vështirë, kemi respekt për kundërshtarin, si Partizani që ishte kampion i vitit të kaluar, një skuadër e fortë me shumë cilësi brenda. Edhe nesër do të jetë një ndeshje e fortë dhe e bukur, me statistika deri tani jemi mirë por statistikat nuk janë shumë të rëndësishme sepse duhet të shohim nesër si do dalim”, tha trajneri.

Por teknikut të korçarëve i duhet të bëjë pa sulmuesin kryesor, Franklin Ahanonu, me nigerianin që është një pikë kyçe për repartin ofensiv. Një tjetër mungesë jo pak e rëndësishme është ajo e Rei Pecanit, me këtë të fundit që është akoma në fazë rikuperimi.

“Unë nuk e di shumë mirë situatën në Partizani, kanë mungesë të Kukajt dhe Cara, por nëse shohim ndeshjet e kaluara Partizani ka 5-6 sulmuesa të mirë, dhe smund të them është plus ose minus sepse nuk e di situatën brenda ekipit. Këto mungesa mbase janë plus për ne.

Edhe Uçe është jashtë, ka një frakturë, pra dy sulmuesa i kemi jashtë. Mund të ndërrojmë sistemin ose të gjejmë një tjetër lojtar sepse kemi 3-4 lojtarë me karakteristika të sulmuesit, dhe nesër mund të jemi me tre sulmuesa.

Ne jemi Skënderbeu, mendoj gjithmonë maksimumin, pra fitoren në ndeshje. Tani nuk mund të them që kënaqem me një barazim ose jam kënaqur shumë me fitore, kërkojmë maksimumin nga skuadra. Jam i sigurt se nesër do vijnë dhe shumë tifoza, do bëjnë atmosferë të bukur, do luajmë për maksimumin pastaj do shikojmë si do dalim”, u shpreh ai.

Sfida që do të zhvillohet në Korçë, do të startojë në orën 17:00./ CNA





Lajmet e fundit nga