web counter
LEXO PA REKLAMA!

SHKARKO APP

App Store
Google Play

Revolucion te Laçi, drejtimi i skuadrës i besohet një emri të njohur

15 Korrik 2023, 15:30, Sport CNA

Revolucion te Laçi, drejtimi i skuadrës i besohet një emri

Laçi i sezonit të ri do të jetë shumë ndryshe nga skuadrën që mbylli kampionatin 2022-2023. Revolucioni ka nisur me kohë dhe strategjia e presidentit Pashk Laska është për t’iu dhënë më shumë besim të rinjve, duke i afirmuar ata në sezoni e ri, me synimin për t’i shitur në një të ardhme të afërt në klube jashtë vendit.

Projekti i është besuar një trajneri me eksperiencë si Stavri Nica, ndërsa edhe lëvizjet e deritanishme kanë konfirmuar se fokusi do të jenë të rinjtë. Përjashto sulmuesin anglez, Ronald Sobovale, i cili erdhi pasi ishte afirmuar në Kosovë apo mbrojtësin brazilian, Luis Zhunior, që vjen nga Tërbuni, të gjithë lojtarët e tjerë të afruar janë të moshës 18-20 vjeç. Nga Internacionali erdhën Emanuil Guci, Orgi Cena dhe Khalil Taleb, ndërsa firmosi kontratë për herë të parë portieri Ortelio Biba.

Aktualisht skuadra vijon fazën përgatitore në Ohër dhe pritet të zhvillojë disa ndeshje miqësore, ndërsa të parën me Voska Sport e humbi 1-0. Deri më tani janë larguar nga ekipi lojtarë si Gentian Selmani, Marko Roganoviç, Rudolf Turkaj, Viktor Velkoski, Majkëll Babatunde, Mentor Mazrekaj, Vasil Shkurtaj, Renato Ziko, Albi Alla dhe Saliu Guindo.





Lajmet e fundit nga