web counter
LEXO PA REKLAMA!

SHKARKO APP

App Store
Google Play

E fundit!

x

Renditja e Forbes/ Mbappe “mbreti” i pagave, lë pas dyshen Messi-Ronaldo

8 Tetor 2022, 11:54, Sport CNA

Renditja e Forbes/ Mbappe “mbreti” i pagave, lë pas dyshen

Rinovimi i kontratës së Kylian Mbappésë me PSG-në në muajin maj nënkuptonte një rritje të ndjeshme të pagës së sulmuesit francez. Sipas Forbes, përfitimet e francezit këtë sezon kanë arritur në 131 milionë dollarë mes pagës dhe sponsorëve, një shifër rekord që e vendos atë në krye të lojtarëve më të paguar në botë.

Që nga viti 2014, Cristiano Ronaldo dhe Messi kishin ndarë pozitën e parë në tabelë, por kontrata e fundit që Mbappe nënshkroi me PSG-në ka rrëzuar nga froni dy nga futbollistët më të mirë në histori. Sipas Forbes, shtatë herë fituesi i Topit të Artë merr 110 milionë dollarë në sezon, ndërsa fitimet e Cristianos janë 100 milionë.

Mes katër të parëve të këtij klasifikimi, tre lojtarë i përkasin PSG-së. Nga 131 milionë që Kylian Mbappe do të marrë në sezonin 2022-2023, 110 milionë i përfiton si pagë, ndërsa 21 milionë nga kontratat e sponsorizimit (Nike, Dior, Panini…). Neymar, i cili merr 87 milionë euro në sezon, shfaqet i katërti në renditje, i ndjekur nga Mohamed Salah, sulmuesi i Liverpool, me një fitim bruto prej 53 milionësh në sezon.





Lajmet e fundit nga