E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

VIDEO/ Triumf me përmbysje, Partizani mposht Vllazninë dhe shkëputet në krye

7 Tetor 2022, 19:42, Sport CNA

Partizani është rikthyer te fitorja në kampionat, teksa ka mposhtur me përmbysje Vllazninë me rezultatin 2-1.

Shkodranët kaluan të parët në avantazh në minutën e 38-të me Ardit Hoxhajn, por në pjesën e dytë, të kuqtë përmbysën gjithçka.

Fillimisht, ishte Victor Da Silva, që vendosi baraspeshën, në minutën e 68-të. Pas këtij goli, Partizani u hodh në sulm dhe në minutën e 86-të, gjetën golin e avantazhit, me Xhuljano Skukën, që me një gjuajtje të fortë, e ndali topin në fundin e rrjetës.

Me këtë fitore, Partizani shkëputet në krye të renditjes me 15 pikë, ndërsa Vllaznia mban vendin e 5-të me 10 pikë.

FT VLLAZNIA-PARTIZANI 1-2

Hoxhaj 38'/ Da Silva 68', Skuka 86'

KOMENTI LIVE:

86’ GOOOL PARTIZANI! Skuka merr topin në të djathtën dhe lëshon një predhë të pakapshme për Zogoviç. Përmbyset rezultati në 1-2.

81’ Atanaskovski, Zekolli dhe Mensah marrin vendin e Buxhelajt, Da Silva dhe Hadrojt në fushën e lojës.

77’ Smajli dhe Jonuzi i lënë vendin Shehit dhe Vulajt.

76’ Karton i verdhë për Hadrojn, i cili ndërhyn ndaj Smajlit. Kuqeblutë kërkojnë të kuq por Cjapi nuk ndërron mendje. Ndërkohë lojtari i Vllaznisë largohet me barelë nga fusha e lojës.

73’ Mbyllet ndeshja për Kaina, i cili i lë vendin në fushë Aralicës.

73’ Tentativa radhazi të shkodranëve për të gjetur golin dhe në fund, një gjuajtje e fortë e Markut devijohet mbi traversë.

72’ Një dalje e pasigurt e Rexhepit krijon panik në zonën e Partizanit, por Sota largon në këndore.

71’ Da Silva i afrohet golit të përmbysjes kur pas një harkimi perfekt të Muratajt nga e djathta, nuk ia del që të gjejë katërkëndorin e kuqebluve për herë të dytë brenda pak minutash.

70’ Skuka nga e djathta harkon në zonë, Bulatoviç devijon në këndore për të shmangur rrezikun e radhës në portën e skuadrës së tij.

66’ GOOOL PARTIZANI! Barazohen shifrat në Shkodër ku Hadroj ul topin për Da Silvën i cili gjuan dhe gjen golin. Braziliani nuk feston përballë ish-skuadrës së tij.

63’ Cara ndëshkohet me karton të verdhë pas një goditje ndaj Gurishtës.

63’ Menih merr vendin e Hotit në fushën e lojës.

62’ Rexhepi shmang golin e dytë duke devijuar mbi traversë një gjuajtje të fortë të Malës.

60’ Provon Da Silva me një kthesë të shpejtë nga ana tjetër por sfera përfundon jashtë.

59’ Kaina nga e djathta këtë radhë gjuan me forcë, por goditja e tij devijohet në rrjetën e jashtme. Në goditjen e këndit vijuese, Juriç me kokë gjuan por mbi traversën e kryeqytetasve.

56’ Vllaznia gjen hapësirë për të rrezikuar në krahun e majtë me Markun i cili gjuan drejt portës, por gjen përgjigjen e Rexhepit i cili mban topin jashtë katërkëndorit të tij dhe të kuqtë në lojë.

53’ Kolela shton forcat në sulm me Carën i cili merr vendin e Hodos.

50’ Smajli ndëshkohet me karton të verdhë pas një ndërhyrje me bërryl ndaj Skukës.

46’ Nis pjesa e dytë pa zëvendësime në radhët e dy ekipeve.

Starton pjesa e dytë.

Mbyllet pjesa e parë.

45’ Jepen 2 minuta shtesë.

44’ Da Silva nga e djathta e sulmit harkon në shtyllën e dytë për Hotin por gjuajtja e këtij të fundit me kokë kontrollohet nga Zogoviç.

38’ GOOOL VLLAZNIA! Pas një goditje nga këndi, Hoxhaj me kokë gjuan dhe mposht Rexhepin i cili vetëm devijon pak sferën e cila përfundon në rrjetë.

37’ Predhë e Jonuzit nga brenda zonës, Rexhepi devijon në këndore duke shpëtuar ekipin e tij.

35’ Tentativë e Jonuzit nga jashtë zonës me një gjuajtje me harkim por sfera përfundon jashtë katërkëndorit të Rexhepit.

33’ Rexhepi vendimtar shmang autogolin e Sotës pas harkimit të Hoxhajt nga e majta. Më pas është Buxhelaj i cili bllokon gjuajtjen e Kaina dhe largon sferën nga zona e Partizanit.

29’ Da Silva provon të gjejë golin me një goditje dënimi në kufijtë e zonës, sfera kalon lart mbi traversë.

27’ Juriç gabon në largimin e topit dhe ia dhuron Da Silvas. Ky i fundit gjuan por Bulatoviç me një ndërhyrje vendimtare e dërgon sferën në këndore.

23’ Skuka nga e djathta harkon në qendër për Da Silva, Zogoviç del dhe kontrollon sferën.

22’ Skuka provon me një gjuajtje të befasishme nga jashtë zonës, goditja është qendrore dhe përfundon në duart e Zogoviç

21’ Pas zhvillimit të një goditje dënimi, Hoti harkon në zonë ku Sota provon me kokë por është shumë larg për të shqetësuar Zogoviç.

17’ Vllaznia i afrohet golit të parë. Marku ekzekuton nga e djathta një goditje dënimi me një gjuajtje direkte me të majtën e tij drejt katërkëndorit, por sfera ndalet në traversë.

13’ Përgjigjet Skuka nga krahu tjetër, por tentativa e tij është krejtësisht e gabuar dhe nuk gjen portën e vendasve.

13’ Smajli lëshon një gjuajtje të fortë nga e majta, topi përfundon jashtë, jo shumë larg shtyllës së portës së Rexhepit.

8’ Insiston më shumë Vllaznia në këto minuta të para duke mbajtur lojën në gjysmëfushën e të kuqve.

3’ Harkim nga e djathta për Kainan i cili gjuan menjëherë por gjen përgjigjen e Bitrit i cili largon sferën.

1’ Nis dueli me shkelmimin nga qendra të shkodranëve.

1’ Sfida në Shkodër paraprihet nga minuta e heshtjes për ndarjen nga jeta të Sulejman Maliqatit.

Vllaznia: Zogoviç, Gurishta, Juriç, Bulatoviç, Smajli, Alivoda, Jonuzi, Marku, Mala, Hoxhaj, Kaina.
Trajner: M. Josa

Partizani: Rexhepi, Buxhelaj, Bitri, Sota, Hadroj, Hodo, Murataj, Rrapaj, Hoti, Da Silva, Skuka.
Trajner: Xh. Kolela