E fundit!

20:10 Aktualitet

Fjalimet para Kryeministrisë/ Protestuesi: Pushtetarët janë tmerruar, nuk gjejnë vend ku të futen

Pas grumbullimit në qendër të Tiranës dhe vendosjes para g...

“Pak nga pak ky ekip do ngjitet në tabelë”, trajneri i Laçit çuditet me Xhixhën: Hera e parë në karrierë që më ndodh si sot

7 Tetor 2022, 18:22, Sport CNA

Trajneri i Laçit, Dejan Vukiçeviç, e ka cilësuar një pikë kthese atë të siguruar nga skuadra e tij ndaj Tiranës. Duke folur për “Oversport” ai insistoi se skuadra do të fillonte ngjitjen në tabelë sapo të rikuperoheshin të gjithë lojtarët e dëmtuar.

“Jam i kënaqur me shumë gjëra, me shumë nuk jam, por një pikë mund të ndihmojë për të kthyer situatën.

Kam besim te të gjithë që janë rreth ekipit. Ajo që më intereson është ekipi dhe jam mëse i sigurt që ekipi pak nga pak do të ecë përpara, pasi me Ujkën dhe Allën e Ariel mirë fizikisht, ky do të jetë ekip tjetër. Po presim Shkurtajn dhe jam i sigurt që pak nga pak ky ekip do të ngjitet në tabelë.

Pak nga pak po kthehen fizikisht në gjendje lojtarët që na duhen. Akoma nuk kemi luajtur me më të mirët, pasi ata që nuk kanë luajtur, nuk ishin mirë fizikisht dhe kanë cilësi të madhe. Dhe për këtë arsye kemi ndërruar ekipin pak nga pak derisa të jemi të gjithë fizikisht mirë dhe skuadra do të kompletohet. Edhe për sot e thashë që jam i kënaqur për shumë gjëra e për disa të tjera jo. Jam i kënaqur me këtë pikë këtu, me shumë gjëra të mira që kam parë, për shumë lojtarë të mirë që kanë luajtur sot, për vullnetin deri në fund që të mos humbim këtë ndeshje, që na ka humbur në ndeshjet e tjera. Dhe duket që me Ariel dhe Ujkën në mesfushë ky ekip luan ndryshe. Luajtëm me një skemë ndryshe se e dinim nga do të na vinte rreziku. Deshëm të dublonim krahët e mbrojtjes dhe t’i jepnim më shumë lirshmëri Mazrekajt në sulm e të përfitonim nga shpejtësia e Adeleke.

E kemi bërë skemën gjatë stërvitjeve si të mbroheshim ndaj tyre dhe na bëri tre gola, është hera e parë në karrierë që më shënon tre gola në një ndeshje një lojtar. Por 2 nga 3 i shënoi pas gabimeve tona. Gjithmonë u them lojtarëve që të respektojnë topin, të mos e humbin lehtë, shpesh e humbëm lehtë dhe humbëm besimin. Ky moment mbaroi, një ndeshje e mirë për tifozët dhe e bukur për t’i parë, për trajnerët e tjerë që të analizojnë gjëra dhe me këtë pikë do të përgatitemi për ndeshjet e tjera për të shkuar më lart”, tha Vukiçeviç.