web counter
LEXO PA REKLAMA!

SHKARKO APP

App Store
Google Play

E fundit!

x

KATEGORIA SUPERIORE/ Ja sfidat e ditës së sotme

7 Tetor 2022, 09:41, Sport CNA

Sot, Kategoria Superiore ngre siparin e javës së shtatë me tri sfida interesante. Në orën 15:00, në stadiumin “Selman Stërmasi”, do të luajnë kampionët dhe nënkampionët e Shqipërisë, Tirana dhe Laçi.

Bardheblutë e kryeqytetit vijnë pas dy rezultateve pozitive, mbi të gjitha me moral tepër të lartë duke parë triumfin javën e kaluar në derbi ndaj Partizanit. Ndërsa kurbinasit e Dejan Vukiçeviçit kërkojnë tri pikët, të cilëve u mungojnë prej 5 ndeshjesh radhazi në kampionat.

Në po të njëjtën orë, në stadiumin “Niko Dovana” do të zhvillohet ndeshja Erzeni-Egnatia.

Shijakasit e Xhevahir Kapllanit do të provojnë kthesën, pas asaj humbjeje ndaj Bylisit javën e kaluar. Rrogozhinasit e Edlir Tetovës do të synojnë suksesin, të cilëve u mungon prej dy takimeve.

Në orën 17:45, në stadiumin “Loro Boriçi” do të luhet kryesfida e javës së shtatë, Vllaznia-Partizani. Të kuqtë e Xhovani Kolelës do të kërkojnë që të harrojnë disfatën në derbin ndaj Tiranës dhe do të hynë në fushë për tre pikët, e njëjta gjë vlen edhe për shkodranët e Mirel Josës, të cilët duan fitoren pas barazimit javën e kaluar me Teutën.





Lajmet e fundit nga