web counter
LEXO PA REKLAMA!

SHKARKO APP

App Store
Google Play

Brazili kthehet në çështje, “fanella politike” ndan popullin

6 Tetor 2022, 15:35, Sport CNA

Brazili shquhet për pasionin e madh që ka ndaj futbollit. 1 muaj larg nga Katar 2022, në Brazil fokusi do të ishte te kombëtarja por vëmendja është zhvendosur tek fanela e tyre. Shumë tifozë e quajnë një “fanelë politike” dhe kjo ka ndarë popullin e Brazilit në dy pjesë, mbështetës dhe protestues.

Një 20 vjeçar ka shkuar në dyqan për të blerë fanlën e famshme verdhjeshile dhe e ka hedhur në kosh në shenjë proteste.

Luiz Inácio Lula da Silva kandidati i krahut të majtë është në garë ndaj Jair Bolsonaro që aktualisht kërkon të rizgjidhet president i Brazilit. Mbështetësit e Bolsonaro kërkojnë fanëlën e verdhë si shenjë mbështetje ndërkohë që ato të Lula preferojnë blunë.

Në Brazil revolta të tilla kanë shënuar dhe vdekje pasi irritimi i popullit është i madh. Lula shprehet që fanela duhet të jetë një simbol bashkimi dhe jo ndarje, ndërsa në krahun tjetër Bolsonaro janë të kujdesshëm për t’i veshur në publik.

Ylli i Tottenham Richarlison tha: “Si tifoz, lojtar dhe brazilian, bëj çmos për të përhapur identifikimin që kemi me të në të gjithë botën. Unë besoj se është e rëndësishme të pranojmë se ne jemi të gjithë brazilianë dhe kemi gjak brazilian mbi çdo gjë tjetër”.

Nuk është i këtij mendimi lojtari i futsallës Matheus Rocha: “Nuk ndjej asnjë dëshirë për të veshur fanellën e verdhë. Në fakt, ideja për ta veshur më zmbraps, as të vjetrat nuk i nxjerr nga sirtari. Është turp, sepse vetë fanela është e mrekullueshme”.





Lajmet e fundit nga