web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e ish-portierit të famshëm të Kombëtares, Duka: Futbolli shqiptar humbi sot një nga legjendat më të mëdha të historisë

5 Tetor 2022, 21:27, Sport CNA

U nda nga jeta ditën e sotme, në moshën 94-vjeçare, një nga legjendat më të mëdha të historisë së futbollit, Sulejman Maliqati, ish-portieri i famshëm i Kombëtares shqiptare dhe Partizanit.

Ndërkohë së fundmi nëpërmjet një postimi në faqen zyrtare, presidenti i FSHF-së, Armand Duka i ka shprehur ngushëllime më të sinqerta familjarëve dhe miqve të tij.

Postimi i Dukës: 

Futbolli shqiptar humbi sot një nga legjendat më të mëdha të historisë së tij. I madhi Sulejman Maliqati është ndarë sot nga jeta në moshën 94-vjeçare duke lënë pas një trashëgimi të pasur e të çmuar për të gjithë futbolldashësit.

Ish-portieri i famshëm i Kombëtares në vitet 1950-1964, Maliqati ishte një ikonë e padiskutueshme dhe një shembull frymëzimi për gjenerata të tërë sportistësh.

Përveçse i dekoruar me titujt më të lartë shtetëror dhe me shumë trofe të fituar në fushë, Maliqati ka qenë edhe njeri i shkëlqyer, një mik i mirë dhe një personalitet i rrallë e me shumë vlera në jetën shoqërore me kontribute të mëdha veçanërisht në botën e futbollit.

U shpreh ngushëllimet më të sinqerta familjarëve e miqve të tij. Emri i tij ka zënë vend tashmë në panteonin e më të mëdhenjve të historisë së futbollit shqiptar.

U prehsh në paqe Sul Maliqati!





Lajmet e fundit nga