web counter
LEXO PA REKLAMA!

SHKARKO APP

App Store
Google Play

E fundit!

x

Dueli me Burrelin në Korçë, Zguro dhe Beci njëzëri: Tani e tutje Skënderbeu do të jetë i pandalshëm!

8 Tetor 2022, 11:21, Sport CNA

Dueli me Burrelin në Korçë, Zguro dhe Beci njëzëri:

Skënderbeu kërkon fitoren e dytë radhazi. Pasi ia dolën me Luzin në transfertë, tashmë kërkojnë të festojnë në shtëpi. Përballë do të kenë Burrelin dhe misioni është i qartë. Këtë e pranon edhe Vangjel Zguro me Dritmir Becin.

“Pas Luzit, mund të them se është rikthyer besimi në grup. Nuk mund të ndalemi më, ndaj shpresojmë që nesër (sot) ta zgjidhim me një fitore.

Në këtë kategori çdo javë është e fortë, sidomos në transfertë. Por ne i kemi cilësitë e duhura për të tentuar në çdo fushë dhe në çdo ndeshje tri pikët. Superiorja është objektivi ynë.

Tani duhet të përshtatemi me realitetin dhe në fund të sezonit do të jemi atje ku na takon”, evidentoi kapiteni.

Nga ana tjetër, mbrojtësi shkodran thotë:

“Jam në një ambient fantastik dhe në një grup po të tillë. Kushtet e punës dhe organizimi i klubit janë në një tjetër nivel. Ne i organizojmë të gjitha përgatitjet dhe ndeshjet në të njëjtën mënyrë dhe nga çdo takim duam të marrim më të mirën.

Çdo ndeshje ka rëndësinë e vet. Këtë vit Kategoria e Parë është mjaft e vështirë, pasi ka shumë ekipe me emër dhe me histori që duan suksesin. Por ne do të shohim vetëm vetën tonë.

Besoj se Skënderbeu e ka grupin e duhur dhe të gjithë kontingjentin për të kapur Superioren, ndaj e meritojmë të shkojmë atje ku i takon Skënderbeut. Kemi lojtarë me eksperiencë dhe të rinj me cilësi, ndaj besoj se nuk do të jetë i pamundur objektivi final nëse marrim gjithçka ndeshje pas ndeshjeje”, përfundoi mbrojtësi shkodran, Dritmir Beci.





Lajmet e fundit nga