E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rekordmenët kërkojnë të bëjnë detyrën ndaj modestëve. Plzen-Bajern, një film… pa histori

12 Tetor 2022, 15:43, Sport CNA

Takimi i sotëm mund të vendosë rekorde të reja në kompeticionin më elitar në rang klubesh, edhe pse përballë tyre gjendet një ekip pa eksperiencë dhe emër në arenën europiane, si Plzen. Transferta në çeki mund t’i sigurojë kualifikimin për në fazën me eliminim direkt në radhën e të besuarve të Julian Nagelsmanit, të cilët vijnë me seri të jashtëzakonshme pas 3 ndeshjesh, me 9 gola të shënuar dhe 0 të pësuar. Ja 5 faktet që bavarezët mund ta shtrijnë ende arritjen e palmaresit të tyre në garën më prestigjioze në rang klubesh në Europë.

1. PLZEN, PREJA E PREFERUAR Bajerni dhe Plzeni janë përballur 5 herë në Ligën e kampionëve, aty ku përfundimi nuk lë shumë vend për diskutim, me rekordmenët e Gjermanisë triumfuese. Në 5 ndeshjet e luajtura, Bajerni i ka fituar të gjitha dhe gjithashtu ata kanë përshëndetur plotë 18 herë portën e modestëve çekë, e përkthyer me një mesatare prej 3.6 gola për ndeshje, çka do të thotë se nga 29 skuadrat që janë takuar në Champions, ndaj Plzenit kanë mesataren me të lartë të realizimeve në portë.

2. 31 NDESHJE RADHAZI PA HUMBJE Fitorja e mesjavës së kaluar ndaj Plzenit, shënoi rekord të ri për Champions-in dhe Bajernin. Ishte ndeshja e 31- të që klubi më i titulluar në tokën gjermane nuk pëson humbje në fazën e grupeve në këtë kompeticion.

3. MUND TË KALOJNË REALIN DHE BARÇËN... Në rast të një suksesi të mundshëm në Çeki, të besuarit e Nagelsmanit do të thyenin rekord, duke shkuar në 11 fitore radhazi në fazën e grupeve. Aktualisht bavarezët kanë fituar 10 përballjet e fundit në Champions, aq sa edhe dy përbindëshat e futbollit europian si Barcelona dhe Real Madridi në periudha të ndryshme.

4. KOMPETICIONI I “VRASTARIT” SANE Leroi Sane është i përfshirë në 16 gola, në 13 prezencat e fundit në Ligën e Kampionëve. Sulmuesi anësor i përfaqësues gjermane ka gjetur rrjetën në 3 duelet e këtij sezoni, e përkthyer me 4 gola, çka do të thotë se ai pozicionohet i dyti në listën e golashënuesve në këtë edicion, pas Erling Halandit të Mançester Sitit, në kuotën e 5 golave.

5. VETËM 1 DISFATË NGA 24 DUELET E FUNDIT Humbja e sezonit të kaluar në fazën çerekfinale ndaj spanjollëve të Vijarrealit do të shënonte edhe humbjen e fundit për klubin nga “Allianz Arena”, të cilët kanë korrur 23 suksese në transfertë nga 24 ndeshjet e fundit në Ligën e Kampionëve. Por kjo është vetëm njëra anë e historisë, pasi armata nga Mynihu gëzon mesatare mbresëlënëse në fushën kundërshtare, sidomos ku në të përfshihen klubet më të forta të kontinentit të vjetër. 1.7 është mesatarja e golave në rolin e mysafirit mbi kompeticionin kryesor për klube, konkretisht 231 gola në 133 ndeshje. Vetëm “Qytetarët” e Mançester Sitit ia marrin fronin në këtë drejtim me një mesatare pak më të mirë, me 1.8 gola si nikoqirë. Duhet thënë se Bajerni gëzon një jetëgjatësi në Champions, ndërsa të besuarit e Pep Guardiolës janë ende duke u promovuar në këtë garë.