web counter
LEXO PA REKLAMA!

SHKARKO APP

App Store
Google Play

E fundit!

x

Rrotacion total për Skënderbeun në derbin ndaj Maliqit

12 Tetor 2022, 09:48, Sport CNA

Pas dy fitoresh radhazi në kampionat, korçarët janë gati për Kupën e Shqipërisë. Pikërisht sot do të presin Maliqin në stadiumin “Skënderbeu”.

Kualifikimi e kanë siguruar tashmë, teksa kujtojmë që të parën ndeshje e fituan me shifrat 5-1. Migen Memelli e ka ndarë grupin në dy pjesë në seancën e djeshme.

Lojtarët që pritet të luajnë nga minuta e parë kundër maliqarëve kanë marrë porositë finale për këtë takim, ndërsa pjesa tjetër është përqendruar te Tomori.

Këtë fundjavë, bardhekuqtë udhëtojnë në Berat dhe qëllimi është marrja e një tjetër trepikëshi dhe përmirësimi i pozitave në renditje. Gabimet janë të ndaluara në Kategorinë e Parë, kur dihet që misioni është ngjitja.

Stafi teknik është shfaqur tejet kërkues, pasi pret perfeksionin për javën e 6-të. Kërkohet një ekip i kujdesshëm në prapavijë dhe cinik në ofensivë.

FORMACIONI – Duke parë favorizimin që i jep rezultati përballë Maliqit, me shumë mundësi korçarët në këtë takim të dytë do të aplikojnë një rrotacion të thelluar.

Trajneri do t’u japë mundësi të gjithë lojtarëve të tregojnë vlerat dhe mbi të gjitha që të marrin minuta në këmbë.

Në portë pritet që ta nisë Alliu si titullar, ndërsa reparti difensiv do të ndërtohet me Zenunllarin në të majtë dhe Hysollin në të djathtë.

Në qendër një mes Prençit dhe Rapës që do të luajë përkrah Kapllanit.

Në mesin e fushës do të luajnë përkrah njëri-tjetrit nga minuta e parë Pecani dhe Qeleshi, ndërsa së bashku me ta pritet që të jetë edhe Alii.

Në majën e sulmit, Ovusu nga njëra anë dhe Lika në krahun tjetër pritet që të mbështesin Beçkën në majën e sulmit.





Lajmet e fundit nga