web counter
LEXO PA REKLAMA!

SHKARKO APP

App Store
Google Play

E fundit!

x

Refuzoi ofertën e çmendur, Dybala: U dyzova, të gjithë shikojnë paratë...

26 Gusht 2024, 15:55, Sport CNA

Refuzoi ofertën e çmendur, Dybala: U dyzova, të gjithë

Paulo Dybala ka folur për herë të parë, pasi refuzoi një ofertë të çmendur nga Arabia Saudite. Futbollistit argjentinas iu ofrua një kontratë 3-vjeçare nga Al Qadsiya, me 75 milionë euro, por në fund ai vendosi të qëndrojë te Roma.

Në një deklaratë të bërë së fundmi, Dybala zbuloi arsyet përse mori vendimin për të qëndruar te Roma.

“Të gjithë shikojnë paratë, unë kam vënë shumë gjëra në tavolinë për të bërë një zgjedhje. Familja ime, gruaja ime, qyteti, ekipi, duke dashur të kthehem në kombëtare… Jam 30 vjeç, ndihem mirë. Madje, megjithëse shoh shumë kritika për dëmtimet, përpiqem të punoj sa më shumë që të mundem çdo ditë.

Pastaj nëse flasim vetëm për paratë, sigurisht kur dikush e sheh atë shifër… Nuk mund të them që nuk u dyzova nga oferta saudite, por vendosa shumë gjëra në tryezë për të bërë zgjedhjen time. Dhe vendosa të qëndroj te Roma, në futbollin elitar europian. Po të ishte për agjentin tim, sigurisht do të zgjidhja të merrja shumë para.

Formacionet dhe si duhet të luajë e ndërveprojë skuadra varen nga trajneri. Unë kurrë nuk jam ndier i lënë jashtë, trajneri e sheh gjatë javës se kush është më mirë dhe kap formacionin. Nëse ai vendos se duhet të luaj, do të luaj.

Nëse trajneri vendos që unë të luaj 30 minuta, do të luaj 30 minuta. Nuk kemi kohë të merremi me kësi thashethemesh, sepse kemi humbur tashmë 5 pikë në këtë kampionat. Në mënyrë emergjente duhet të përmirësohemi, të analizojmë të gjitha gabimet e bëra në këtë ndeshje, sepse sfida tjetër do të jetë edhe më e vështirë. Ata që janë më të mirë dhe janë stërvitur më mirë duhet të luajnë. Kjo nuk ishte arsyeja pse mendova të largohesha nga Roma”, deklaroi Dybala.





Lajmet e fundit nga