web counter
LEXO PA REKLAMA!

SHKARKO APP

App Store
Google Play

E fundit!

x

Rasti "Negreira" i rrezikoi Barcelonës pjesëmarrjen në Champions League, UEFA zbulon vendimin e marrë

1 Korrik 2023, 13:20, Sport CNA

Lajme të mira në shtëpinë e Barcelonës në lidhje me 'rastin Negreira'. Sipas asaj që raporton gazeta ‘Mundo Deportivo’, UEFA i ka komunikuar klubit blaugrana, pjesëmarrjen zyrtare në Champions League për sezonin 2023-24.

Barcelona në fakt ka marrë njoftim nga organi më i lartë evropian I futbollit, duke dhënë dritën jeshile pasi kishte analizuar të gjitha dokumentet në lidhje me 'rastin Negreira'. 007 e UEFA-s, nënvizon gazeta spanjolle, ka përfunduar punën vlerësuese, duke arritur në përfundimin se Barça i ka të gjitha kredencialet për të luajtur në turneun më prestigjioz të klubeve kontinentale sezonin e ardhshëm.

Raporti i dy inspektorëve të emëruar nga Komisioni i Etikës dhe Disiplinës i UEFA-s, Mirjam Koller dhe Jean-Samuel Leuba - po hetonin "një shkelje të mundshme të kuadrit ligjor" nga Barcelona për 'çështjen Negreira'. Rezultati ishte pozitiv, pasi nuk u konstatuan shkelje. Tani Komisioni i Apelit i UEFA-s do të ketë dhjetë ditë kohë për të marrë një vendim përfundimtar, me klubin katalanas të sigurt në një rezultat të favorshëm të çështjes, në fuqinë e raportit nga Komisioni i Etikës dhe Disiplinës që disponon.

Nëse OK i UEFA-s arrin, Barcelona e Xavi do të jetë pjesë e vazos së parë për shortet e fazës së grupeve të Champions League, në shoqërinë e Manchester City, Sevilla, PSG, Napoli, Bayern, Benfica dhe Feyenoord.

 





Lajmet e fundit nga