web counter
LEXO PA REKLAMA!

SHKARKO APP

App Store
Google Play

Rast i paprecedentë! Arbitri gaboi te penalltia, ndeshja do të riluhet

26 Janar 2024, 18:50, Sport CNA

Federata Belge e Futbollit, mori ditën e sotme një vendim që mund të jetë i rrezikshëm për të ardhmen.

Për shkak të një gabimi të arbitrit te penalltia, ndeshja mes Anderlecht dhe Genk, do të riluhet.

Ndeshja e luajtur me 23 dhjetor, kishte përfunduar 2-1 për Anderlecht, por në fund Genk humbi penallti me Heinen i cili pa Schmeicel t’i grushtonte topin. Jira Sor i Genk hyri më pas topin në rrjetë, por me VAR ishte vërtetuar se kishte hyrë në zonë para goditjes ndaj goli u anulua. Megjithatë, edhe dy lojtarë të Anderlecht kishin hyrë në fushë para kohe dhe në këtë rast, sipas rregullores, penalltia duhej gjuajtur edhe një herë.

Rifillimi i lojës nga gjyqtari me rivënie të portierit ka sjellë protestat e Genk që i është drejtuar komisioneve disiplinore duke siguruar një vendim në favor të vet sot dhe tashmë pret të mësojë datën kur do të riluhet ndeshja.

Nga ana tjetër, Anderlecht ka reaguar ashpër duke e cilësuar vendimin të pakuptimtë e duke bërë të qartë që do ta apelonin në çdo instancë të mundshme. “Komisioni Disiplinor praktikisht thotë që nga tani e tutje, çdo gabim i një gjyqtari mund të sanksionohet si një gabim ndaj rregullave të lojës. Dhe prandaj çdo gjyqtari do t’i duhet shumë më tepër kohë që të marrë vendime në fushën e lojës, me pasoja të rënda. Jemi të gjithë të tronditur nga vendimi”, tha Valter Damen, avokati i klubit të Anderlecht.





Lajmet e fundit nga