web counter
LEXO PA REKLAMA!

SHKARKO APP

App Store
Google Play

E fundit!

x

Poloni-Shqipëri, Fakaj: Trajneri Silvinjo ka gabuar me përzgjedhjen e lojtarëve

22 Mars 2023, 08:12, Sport CNA

Ish-mbrojtësi i Kombëtares, Ervin Fakaj, i ftuar në “Procesin Sportiv”, ka folur për ndeshjen e Shqipërisë dhe Polonisë, si dhe për të përzgjedhurit e trajnerit Silvinjo. Ai u shpreh se braziliani ka gabuar pasi duke qenë i ri ka thirrur 3 lojtarë që nuk qenë asnjëherë në Kombëtare. Fakaj tha gjithashtu se Odise Roshi duhet të ishte pjesë e listës pasi është shumë i rëndësishëm.

“Në harkun e dy-tre muajve trajneri Silvinjo duhet t'i shihte lojtarët në fushë për t'u marrë më të mirën. Për mendimin tim ai ka gabuar në përzgjedhje, pasi është trajner i ri dhe ka thirrur 3 lojtarë debutues.

Në një ndeshje të tillë, unë besoj që minimumi që bën një trajner për të mbrojtur dhe veten e vet, është të bazohet tek ekipi në 4 apo 5 ndeshjet e fundit që ty të ka lënë trajneri paraardhës. Është logjike, këtë e bën çdo trajner. Odise Roshi është shumë i rëndësishëm dhe ai e ka lënë jashtë, ka 10 vjet që luan për Kombëtaren dhe për cilësitë që ka duhet të kishte bërë 3 herë karrierë më të mirë. Roshi ka luajtur rregullisht, është në superformë. Edhe Endri Çekiçi është lojtar shumë i mirë”, deklaroi Fakaj.





Lajmet e fundit nga