web counter
LEXO PA REKLAMA!

SHKARKO APP

App Store
Google Play

E fundit!

x

Penalltia në Aris-PAOK, arbitri Juxhin Xhaja “tërbon” grekët

21 Mars 2023, 20:56, Sport CNA

Penalltia në Aris-PAOK, arbitri Juxhin Xhaja “tërbon”

Arbitri shqiptar i FIFA-s, Juxhin Xhaja, ka qenë të dielën në derbin e Selanikut, Aris-PAOK 1-2.

Duke qenë se kjo ndeshje është e një risku të lartë për t’u menaxhuar, klubet shpesh nuk duan arbitra vendës dhe për të shmangur polemikat apo paragjykimet, federata e Greqisë, merr gjyqtarë nga vende të tjera. Këtë herë treshja e arbitrave ishte nga Suedia, ndërsa në sistemin VAR për herë të parë në një ndeshje të kampionatit grek ishte përzgjedhur një shqiptar dhe pikërisht Xhaja. Si për ironi, fati i takimit ka lidhje me 32- vjeçarin nga Tirana, pasi në minutën e 68-të ai sinjalizoi arbitrin kryesor, Muhamed al Hakim (irakian me nënshtetësi suedeze).

Ky i fundit, pasi shqyrtoi me VAR rastin, akordoi 11-metërsh për PAOK-un, teksa nga kjo erdhi barazimi i përkohshëm. Mirëpo, mediat greke kanë shpërthyer në kritika ndaj federatës së fundmi, duke sulmuar hapur edhe Xhajën. Nuk mungojnë ironitë, duke e cilësuar arbitrin shqiptar si një turist që erdhi në Greqi për të sinjalizuar një penallti inekzistente.

“Një penallti e dhënë nga Tirana ose si të thuash Iran-Irak, që e gjykon një arbitër nga… Iraku”, ishte një nga titujt e mediave greke. Sipas tyre, nuk ishte fare e nevojshme që federata të merrte në sistemin VAR një shqiptar dhe kësisoj, në këtë rast është kryqëzuar edhe Xhaja.





Lajmet e fundit nga