web counter
LEXO PA REKLAMA!

SHKARKO APP

E fundit!

x

“Poker” i Milanit, Chukwueze-Okafor gjejnë golat e parë si kuqezi

13 Gusht 2023, 12:45, Sport CNA

Milani fitoi miqësoren e fundit përpara nisjes së sezonit të ri në Serie A. Skuadra e Stefano Piolit u përballën me Novarën, skuadër që garon në divizionin e tretë të futbollit italian.

4-2 fituan kuqezinjtë këtë takim, që u zhbllokua nga Samuel Chukwueze. Nigeriani mori një top nga Noah Okafor në minutën e nëntë, dribloi portierin dhe gjeti golin e parë me ekipin e ri.

Më pas ishte radha e zviceranit për të festuar realizimin e parë me Milanin. Okafor dërgoi rezultatin në 2-0. Niccolo Corti rihapi takimin pas gjysmë ore lojës.

Në fraksionin e dytë të takimit, “pokeri” i Milanit u kompletua nga golat e Davide Calabrias dhe Lorenzo Colombos, ndërkohë që Luca Prinelli shënoi të dytin për Novarën.

Milani luan takimin e parë të kampionatit në transfertë. Përballë Bolognas, sfidë e programuar për datën 21 gusht (20:45).





Lajmet e fundit nga