E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Plas sherri tek Anglia, mbrojtësi i "3 Luanëve" largohet nga Katari...

9 Dhjetor 2022, 12:49, Sport CNA

Plas sherri tek Anglia, mbrojtësi i "3 Luanëve" largohet nga

Ironikisht, një ditë para ndeshjes eliminatore të Anglisë kundër Francës të shtunën (20:00) mediat angleze zbulojnë një sherr të dhunshëm në kampin e Kupës së Botës të “Tre Luanëve”! Thuhet se bëhet fjalë për qendërmbrojtësin Ben White (25), i cili u kthye në ishull më 30 nëntor.

Siç raporton “Daily Star”, shkak për këtë ka qenë një mosmarrëveshje me ndihmëstrajnerin Steve Holland (52) në takimin e ekipit para ndeshjes së dytë të grupit kundër SHBA-së (0-0). Asistentit të trajnerit të kombëtares Gareth Southgate (52) thuhet se nuk i ka pëlqyer fakti, që White ka lënë përshtypje negative në takim me njohuri të pamjaftueshme për kundërshtarin dhe statistikat e tij.

Përveç kësaj, thuhet se ylli i Arsenalit, White, mendohet se e ka pasur shumë të vështirë integrimin në skuadër. Ai ka pasur konflikte me portierin zëvendësues Aaron Ramsdale (24) dhe sulmuesin Bukayo Saka (21), dy lojtarë të tjerë në skuadër.

Mediat angleze spekulojnë se White nuk ishte i kënaqur me rolin e tij në pankinë. Mbrojtësi qendror është mësuar që gjërat t’i shkojnë vetëm përpjetë. White erdhi te Brighton nga ekipi i të rinjve të Southampton në vitin 2014. Lëvizja prej 58.5 milionësh te Arsenali pasoi në verë, ku ai ka qenë një lojtar i përhershëm në formacionin fillestar që atëherë.

Konflikti: Kur White u largua nga Katari pa luajtur qoftë edhe një ndeshje në Kupën e Botës, FA dha se zyrtarisht largimi ishte për "arsye personale", duke shkruar: "Ne presim që privatësia e lojtarit të respektohet në këtë moment".

Klubi i tij i Arsenalit është përgjigjur në Instagram me një foto të lojtarit të zhytur në mendime dhe ka shkruar me zemër të kuqe: “Ne jemi të gjithë me ty Ben”. Ndërsa fillimisht dyshohej për një arsye të keqe personale të largimit, gjithçka duket se paska qenë shumë më ndryshe...