web counter
LEXO PA REKLAMA!

SHKARKO APP

E fundit!

x

Plas keq te Serbia, kapiteni "kapet" me trajnerin pas ndeshjes me Anglinë

17 Qershor 2024, 12:29, Sport CNA

Plas keq te Serbia, kapiteni "kapet" me trajnerin pas ndeshjes me

Situata te Serbia nuk është aspak e qetë pas ndeshjes me Anglinë, ku u mposhtën minimalisht.

Ndeshja mes dy kombëtareve filloi me tensione në rrugët e Gelsenkirshen, me përplasje të tifozëve, për të vazhduar më pas me përplasje të lojtarëve në fushë dhe u mbyll me një debat brenda kombëtares serbe.

Kapiteni Tadiç ishte i zhgënjyer që nuk luajti nga fillimi sfidën me "3 luanët" dhe në deklaratën pas ndeshjes nuk u kursye ndaj trajnerit të tij.

“Unë jam lideri dhe kapiteni i kësaj skuadre. Duhet të kisha luajtur 90 minuta të plota. Do të kishte qenë ndryshe nëse do të kisha qenë në fushë nga fillimi, por nuk ke çfarë bën... Do të kishte qenë ndryshe nëse do të kisha qenë në fushë që në fillim. Por, unë respektoj vendimin e trajnerit. Nëse ai dëshiron që Dushan Tadiç të luajë vetëm 30 minuta, ashtu do të ndodhë”, deklaroi Tadiç.

Nga ana e tij, trajneri Stojkoviç e shpjegoi lënien në stol të Tadiçit duke thënë se ishte një vendim taktik për të pasur freski për në fund të ndeshjes.

Serbia renditet e fundit në klasifikimin e Grupit C, pas barazimit në ndeshjen tjetër mes Danimarkës dhe Sllovenisë. Me kapitenin në “luftë” kundër trajnerit, asgjë nuk po duket mirë për serbët në këtë “Euro 2024”.





Lajmet e fundit nga