web counter
LEXO PA REKLAMA!

SHKARKO APP

App Store
Google Play

E fundit!

x

"Euro 2024"/ Tri ndeshjet e ditës së hënë, spikat Austri-Francë

17 Qershor 2024, 12:02, Sport CNA

"Euro 2024"/ Tri ndeshjet e ditës së hënë, spikat

Kjo e hënë rezervon tri përballje interesante në fazën e grupeve të Europianit.

Padyshim vëmendja më e madhe do të jetë te sfida e mbrëmjes, mes Austrisë dhe Francës, në Grupin D. “Gjelat” vijnë si favoritë absolutë, jo vetëm në këtë përballje, por në të gjithë turneun.

Francezët vijnë në formë të shkëlqyer në këtë sfidë, pasi në vitin 2023, fituan 8 ndeshje, duke barazuar një dhe një humbje.

Ekipi i Deshamp e ka arritur finalen në tre nga 4 turnetë e fundit madhorë. Në paraqitjen e tyre të fundit në Europian, gjelat u eliminuan nga Zvicra në fazën e 1/16-ve.

Në krahun tjetër, Austria është ringjallur pas emërimit të trajnerit Rangnik. Austria vjen në Europian me një seri prej 7 ndeshjesh pa humbje. Austriakët kanë fituar vetëm 1 nga 10 sfidat e fundit kundër Francës, atë të vitit 2008. Kjo përballje do të luhet në orën 21:00.

Tri orë më herët, Belgjika do të përballet me Sllovakinë. Belgët shihen gjithashtu si favoritë dhe synimi është ta nisin me këmbën e mbarë kompeticionin.

Duke parë kundërshtarët e Grupit E, “djajtjë” nuk pritet ta kenë të vështirë dhe në letër vendi i parë duket i lehtë, por nuk përjashtohen surprizat.

Lukaku shënoi 14 gola në kualifikuese dhe do të kërkojë të bëjë sërish vendimtarin duke nisur nga takimi i Frankfurtit.

Në të njëjtin grup, luhet edhe ndeshja mes Rumanisë dhe Ukranisë, dy kombëtare që synojnë fitoren, për të shpresuar te kalimi i grupit.





Lajmet e fundit nga