web counter
LEXO PA REKLAMA!

SHKARKO APP

App Store
Google Play

E fundit!

x

Pioli: Tetë pikë diferencë janë shumë, ja ç'po ndodh me Leaon

9 Nëntor 2022, 07:46, Sport CNA
Pioli: Tetë pikë diferencë janë shumë, ja
Stefano Pioli

Milani nuk shkoi më shumë se barazimi pa gola në transfertë ndaj Kremonezes, në sfidën e vlefshme për Serinë A. Një hap fals ky i kuqezinjve, që i dha mundësinë Napolit të thellonte diferencën në +8 pikë nga kampionët në fuqi të kampionatit. Në lidhje me duelin e sotëm foli edhe trajneri Pioli, që në prononcimin pas ndeshjes për mediat italiane ndër të tjera u shpreh:

“Mendoj se mund të kishim bërë më shumë. Bëmë një pjesë të parë të mirë dhe një pjesë të dytë jo në nivel. Ne nuk ishim mjaftueshëm teknikisht të saktë dhe nuk krijuam një vëllim të situatave sulmuese që na duheshin për të qenë më të rrezikshëm. Është e qartë se Kremoneze luajti një lojë shumë mbrojtëse dhe nuk kishte hapësira, por me cilësinë tonë sigurisht që mund të bënim më shumë.

Në pjesën e dytë humbëm rrjedhshmërinë dhe fituam disa duele sulmuese dhe kështu bëhet e vështirë të krijosh situata shënimi. Na mungonte kërcimi, lëvizja pa top për të krijuar më shumë raste.

Leao? Nuk mund të vendosësh bast për një lojtar të vetëm, kur nuk punojmë mirë si ekip nuk marrim rezultatet që duam. Ne duhej të lëviznim më mirë për t’i dhënë më shumë zgjidhje bartësit tonë të topit. Kishim situata për të shënuar gola, sidomos në pjesën e parë, por këto lojëra bëhen të komplikuara nëse nuk i thyen. Nuk kemi gjetur zgjidhje fituese.

Tetë pikë nga Napoli janë shumë, nuk duhet të na pëlqejë ky klasifikim. Të dielën kemi shansin për të fituar sërish dhe më pas duhet të përfitojmë nga ndalesa e gjatë. Ne duhet të urojmë Napolin për mënyrën se si po ecën, por mund dhe duhet të bëjmë më shumë”, u shpreh Pioli.





Lajmet e fundit nga