web counter
LEXO PA REKLAMA!

SHKARKO APP

App Store
Google Play

E fundit!

x

Pioli sheh larg: Nuk do jetë e lehtë të fitojmë Champions League

9 Mars 2023, 12:31, Sport CNA

Stefano Pioli mendon se skuadra e tij tani duhet të marrë hapat me radhë në çdo gjë që bën, në kampionat e sidomos në Ligën e Kampioneve. Kualifikimi në çerekfinale pas barazimit me Totenhemin ka gëzuar kuqezinjtë, por trajneri thekson se paraqitjet si kjo në Londër, duhet të vazhdojnë edhe në kampionat, që të sigurohet kthimi në këtë turne në vitin e ardhshëm.

“U treguam të aftë, i kishim kërkuar skuadrës që të luante me personalitet. Nuk u dorëzuam kurrë, është një kalim turi i merituar për mënyrën se si kemi luajtur të dyja ndeshjet. Duhet të bëjmë hapat me radhë, ishte e rëndësishme të kalonim grupin, pastaj fazën e parë me eliminim direkt, ndërsa tani presim shortin.

Është e qartë që do të kemi përballë një skuadër të madhe, por një skuadër e madhe ishte edhe Totenhemi. Tani me mendjen te kampionati, ishte një ndeshje të cilin kishim qejf ta bënim mirë. Të ëndërrosh është e bukur, të ndihmon të punosh më mirë.

Të luash në Ligën e Kampioneve është shumë e bukur dhe shumë e rëndësishme për Milanin. Ose e fitojmë, dhe nuk do të jetë e lehtë, ose arrijmë një nga katër vendet e para në kampionat. Është e rëndësishme që nga kjo paraqitje, të marrim edhe mendërisht diçka pozitive për kampionatin”, tha Pioli.





Lajmet e fundit nga