web counter
LEXO PA REKLAMA!

SHKARKO APP

E fundit!

x

Pesë gola të shënuar, Juventus-i fiton në minutat e fundit

25 Shkurt 2024, 14:34, Sport CNA

Juventus-i rikthehet te fitorja në kampionat pas katër javëve dhe e bën në ndeshjen e javës së 26-të të Serisë A ndaj Frosinone-s.

Sfida e luajtur në “Allianz Stadium” u mbyll me rezultatin 3-2, ndërsa goli i parë erdhi në minutën e 3-të, me Vlahovic-in që gjeti rrugën drejt rrjetës pas asistit të dhuruar nga McKennie.

Miqtë, nga ana tjetër, gjetën barazimin në minutën e 14-të, me Cheddira-n që shënoi me kokë, ndërsa mbrojtja dhe portieri i Juves u gjendën të papërgatitur.

Ndërsa në minutën e 27-të, Brescianini shënoi golin e dytë për Frosinone-n, që mori avantazhin momental.

Vetëm pesë minuta më pas dyshja McKennie-Vlahovic u bënë sërish protagonistë për vendasit, duke shënuar golin e barazimit.

Në fraksionin e dytë, Juventus-i provoi në raste të shumta për të shënuar një tjetër gol, ndërsa ia doli që të kishte sukses në minutën e 90+5, me Ruganin që i dhuroi fitoren ekipit të tij.

Pas këtij takimi, Juventus-i renditet momentalisht në vend të dytë me 57 pikë, teksa Frosinone në vend të 16-të me 23 pikë.





Lajmet e fundit nga