“Përbindëshi” Haland nuk ndalet, i shënon 5 gola gjermanëve të Lajpcig

14 Mars 2023, 22:21, Sport CNA

“Përbindëshi” Haland nuk ndalet, i shënon 5 gola

Mançester Siti do të kërkojë sot kualifikimin në çerekfinalet e Ligës së Kampioneve përballë Lajpcigut në një duel që u bë shumë interesant pas sfidës së parë.

Shumëkush mendonte se skuadra e Guardiolës do të dominonte, por e pa veten të ndalur në një barazim 1-1 ndaj skuadrës gjermane. Kështu, ndeshja e kthimit do të jetë ajo që do të vendosë se cila mes dy skuadrave do të vazhdojë më tej në turne.

Ata që pritnin një formacion shumë ofensiv sot janë gabuar, pasi Guardiola është treguar i kujdesshëm me vetëm Haland e Grilish në fushë si të avancuar në sulm, teksa ka lënë në stol Alvarez, Mahrez e Foden.

LIVE MANÇESTER SITI – LAJPCIG 6-0

Haland 21′ (p), 24′, 45’+1′, 54′, 57′ Gyndogan 49′

57’ GOOOL Siti, 6-0/ Haland nuk di të ndalet më, vjen edhe goli i pestë personal i norvegjezit.

54’ GOOOL Siti, 5-0/ Haland është i pangopur teksa shënon golin e katërt personal pas një goditje kwndi.

49’ GOOOL Siti, 4-0/ Vendasit thellojnë avantazhin me anë të Gyndogan me një gjuajtje diagonale që nuk i lë asnjë shans portierit.

45’+1’ GOOOL SITI, 3-0/ Haland shënon përsëri, këtë herë me pak fat. Pas një goditje këndi, Dias gjuan me kokë por gjen përgjigjen e portierit dhe një mbrojtës largon në vijën fatale, vetëm për të përplasur sferën te Haland i cili e shtyn në rrjetë.

39’ Blasviç shpëton përsëri Lajpcig me grushtimin e tij ndaj gjuajtjes së Gyndogan në zhvillimin e një goditje dënimi.

35’ Verner shpërdoron një mundësi të mirë për të shënuar pasi nuk ia del që të dërgojë sferën drejt portës edhe pse në një pozicion të mirë në zonë.

31’ Haland merr një pasim në të majtën dhe lëshon një predhë drejt portës, por këtë herë gjen përgjigjen e portierit të miqve.

24′ GOOOOOL SITI 2-0/ Dy gola për 3 minuta, Haland bën bomberin dhe dyfishon shifrat! Fillimisht ishte De Byjn që tentoi, por gjuajtja e belgut u ndal fillimisht në traversë, teksa topi më pas shkoi te Haland që goditi saktë me kokë duke përshëndetur për herë të dytë rrjetën.

21′ GOOOOL SITI 1-0/ Zhbllokohet sfida, Haland kalon në avantazh “qytetarët” duke shënuar me 11-metërsh.

21’ Penallti për Mançester Sitin. Pas zhvillimit të një goditje këndi, gjyqtari thirret nga VAR për të vëzhguar një prekje të topit me dorë nga Henrihs pas gjuajtjes me kokë të Rodri. Kryesori bën shenjë nga pika e bardhë mes protestave të miqve.

16′ Sërish rrezikshëm Siti, kësaj here provon me Grilish, gjuajtja e mesfushorit u devijua në goditje nga këndi. Minuta mjaft të mira për “qytetarët”.

11′ Mundësi e artë për Sitin, Haland shkëputet bukur, del i vetëm përballë portierit, teksa në fund nuk tregohet i saktë në finalizim, duke u ndalur nga gardiani i Lajpcigut. Nuk iu beson syve Pep Guardiola që vendos duart në kokë.

5′ Dominim i frikshëm i anglezëve që ushtrojnë presion të vazhdueshëm në zonën e Lajpcigut.