web counter
LEXO PA REKLAMA!

SHKARKO APP

App Store
Google Play

E fundit!

x

Pati oferta nga La Liga dhe Seria A në janar, por ja pse nuk lëvizi nga Turqia Endri Çekiçi

14 Shkurt 2023, 12:46, Sport CNA

Endri Çekiçi foli gjatë në një lidhje direkte me emisionin “ANALIZË KUQ E ZI”, që transmetohet çdo të hënë në "SportNews". Mesfushori i Kombëtares shqiptare luan në Superligën turke me Konyasporin. 26-vjeçari preku disa tema gjatë bisedës me gazetarin Sokol Xhihani dhe Fation Bardhin, videoanalistin e Shqipërisë U-19.

“Tërmeti në Turqi? Për fat të keq, shifrat e të lënduarve dhe njerëzve të vdekur vazhdojnë të rriten. Ka pasur disa të vdekur nga ligat e ulëta, ka edhe lojtarë të tjerë që nuk po gjenden. Le të lutemi dhe të shpresojmë që t’ia dalin.

Deri në këto momente, kampionati është i shtyrë për datat 3-4 mars. Por akoma nuk ka një deklaratë zyrtare. Gaziantep dhe Hatyaspor kanë dalë nga gara. Qytetet janë të shkatërruara. Ata do e nisin sezonin e ri në Superligë.

Shumë skuadra kanë vendosur të shkojnë në Antalia për një minifazë përgatitore. Ne kemi vendosur të qëndrojmë në Konia, po presim të luajmë ndeshjen e prapambetur kundër Fenerbahçes.

Në Stamboll nuk u ndie shumë tërmeti. Shumë njerëz më kishin shkruar, isha shumë konfuz. Të gjithë djemtë shqiptarë që luajnë në Turqi, nuk kanë pasur probleme. Janë mirë.

Konyaspor? Kam mbetur shqiptari i vetëm. Kemi bërë disa lëvizje në merkato, shpresoj të kthehemi ekipi i sezonit të kaluar. Jemi skuadër e fortë, do të luftojmë për Kupat e Europës.

Transferimi në Spanjë? Ishte e vërtetë, kisha interesime nga Spanja, Greqia dhe Italia. Në fund nuk ramë dakord. Mbetem i fokusuar te Konyaspori. Kam kontratë deri në verë, të shohim se çfarë do të ndodhë.

Kam pasur disa dëmtime muskulore këtë vit. Pas një pauzë të gjatë dymujore, gjithçka u kthye në normalitet. Tani nuk kam më probleme. Si unë dhe trajneri e përshpejtonim pjesën e rikuperimit, nga dëshira e madhe. Tani jam 100% gati.

Më i bukuri goli ndaj Galatasaray? S’e di, edhe sezonin e kaluar ndaj Antalias. Goli ndaj Basaksehir, ndaj Trabzonsporit… Nuk e di se cili është goli më i bukur. Sekreti i goditjes së bukur? Kjo është një goditje që e kam stërvitur që kur isha i vogël në Shqipëri. Më mbeti si refleks më pas.

Sylvinho? E njihja vetëm si lojtar. Më pas pashë skemën, besoj se do na ndihmojë kjo skemë, sidomos ne lojtarëve ofensivë. Kam pasur edhe një bisedë me trajnerin. Më përshtatet skema e tij. Mund të luaj pas sulmuesit, por edhe si ‘winger’ në dy krahët.

Çdo trajner i ri sjell frymë të re, besoj se kështu do të ndodhë. Sylvinho gjithmonë ka luajtur në ofensivë. Çdo trajner ka idetë, personalitetin dhe mentalitetin e vet. Polonia? Kanë qenë dy ndeshje të ndryshme. Në të dytën patëm shumë mungesa, për dëmtime dhe prej COVID-it. Në ndeshjen e parë biem dakord që ndeshja u vendos nga disa episode të dyshimta, edhe pse humbëm 4-1.

Ndikoi penalltia që nuk na u dha, goli i Lewandowskit ishte 50 me 50. Polonia është një kundërshtar shumë i fortë, por jo i pakalueshëm. Duhet të jemi optimistë, por t’i marrim ndeshjet një nga një, pa eufori.

A mjafton një miqësore përpara Polonisë? Jo 100%. Por duke e njohur njëri-tjetrin, edhe pse mund të ketë 2-3 ndryshime, mendoj se ndryshimi i skemës nuk do të ketë rëndësi. Të japim maksimumin tonë dhe të luftojmë në fushë.

Ëndrra e çdo futbollisti është pjesëmarrja në "Euro 2024". Duam të arrijmë aty ku arriti edhe Kombëtarja në "Euro 2016". Unë shpresoj të filloj të shënoj gola të bukur edhe me fanellën kuqezi”, përfundoi Çekiçi.





Lajmet e fundit nga