web counter
LEXO PA REKLAMA!

SHKARKO APP

App Store
Google Play

Partizani me probleme para Tiranës, Veselinovic jep lajmin e keq

8 Shkurt 2025, 15:50, Sport CNA

Partizani me probleme para Tiranës, Veselinovic jep lajmin e keq

Partizani do të përballet me Tiranën të dielën, në derbin e kryeqytetit, që do të luhet në stadiumin “Arena e Demave”.

Në prag të kësaj përballjeje, për mediat foli trajneri i të kuqve, Aleksandar Veselinovic, i cili tha edhe një lajm të keq për ekipin e tij. Tekniku deklaroi se disa lojtarë janë me viroza dhe prezenca e tyre ndaj Tiranës është në dyshim.

"Nuk jam shumë i sigurtë se në futbollin modern fusha vendase ka ndonjë ndikim të madh. Në futbollin modern kjo diferencë që ka qenë më përpara, tashmë nuk ekziston më. Ne luajmë në shtëpinë tonë dhe jam i bindur që tifozët tanë do të krijojnë një ambient të shkëlqyer. Shpresoj dhe jam i sigurtë që do të jetë një festë futbolli dhe një ambient i shkëlqyer.

Çdo ndeshje është një situatë ndryshe dhe sjell situata të reja, kështu që nuk mund të heqim paralele mes ndeshjes së nesërme dhe atyre që kanë kaluar. Mbetet të shohim se çfarë do të dhurojë nesër ky derbi.

Për të qenë korrekt duhet të presim ende, pasi disa lojtarë kanë qenë të prekur nga virozat, por kjo është një situatë e përgjithshme, pasi po shohim që të gjitha skuadrat e kanë të njëjtin problem. Shpresoj që të gjithë lojtarët t'i kem në dispozicion. Në orët në vazhdim do të kem edhe një raport më të plotë rreth kësaj situate.

Ai rezultat tashmë i përket së kaluarës, çdo ditë është një mundësi e re për t'u shprehur në futboll. Një gjë që e them tani janë dy fjalë shumë të rëndësishme në futboll të cilat janë këtu dhe tani", deklaroi Veselinovic. 





Lajmet e fundit nga