web counter
LEXO PA REKLAMA!

SHKARKO APP

App Store
Google Play

E fundit!

x

Fiorentina “trondit” Interin me 3 gola

6 Shkurt 2025, 23:13, Sport CNA

Fiorentina “trondit” Interin me 3 gola

Fiorentina surprizoi Interin duke e mposhtur me rezultatin 3-0, në ndeshjen e prapambetur të javës së 14-të në Serinë A, duke dhënë një goditje të rëndë për ambiciet e zikaltërve në garën për titull. Kjo humbje e lë Interin në vendin e dytë të renditjes, me një diferencë prej tre pikësh nga Napoli, i cili vazhdon të kryesojë kampionatin.

Ndeshja në “Artemio Franchi” filloi në minutën e 16-të, atje ku u ndërpre për shkak të situatës shëndetësore të Edoardo Bove.

Interi gjeti avantazhin në minutën e 30-të, por goli u anulua për pozicion jashtë loje. Pavarësisht tentativave, pjesa e parë e lojës u mbyll me rrjeta të paprekura.

Në fraksionin e dytë të lojës, Fiorentina ndryshoi komplet qasjen dhe mori kontrollin e ndeshjes, duke shënuar plot tre herë.

Ranieri hapi serinë e golave me një goditje të fuqishme në hyrje të zonës, duke mposhtur portierin Sommer.

Në minutën e 68-të, Moise Kean dyfishoi shifrat për vendasit, pasi fitoi duelin ajëror.

Sulmuesi italian vulosi rezultatin në 3-0, duke kompletuar dopietën. Kean përfitoi nga një gafë e Dimarkos dhe përballë Somer nuk gaboi.

Interi u përpoq të reagonte, por Fiorentina u mbrojt mirë dhe nuk i la asnjë hapësirë skuadrës së Simone Inzaghit për të gjetur rrjetën.

 


Kjo ishte humbja e dytë për Interin në 23 javët e këtij sezoni, një goditje e rëndë për kampionët aktualë të Serisë A, të cilët po ndjekin me vështirësi Napolin në krye të tabelës. Kjo disfatë mund të ketë ndikim edhe në moralin e skuadrës, veçanërisht pasi ndeshja e ardhshme e zikaltërve në kampionat është përsëri kundër Fiorentinës, kësaj here në “San Siro”.

 


Me këtë triumf, Fiorentina rikthehet fuqishëm në garën për zonën Champions, pasi mban vendin e katërt.





Lajmet e fundit nga