web counter
LEXO PA REKLAMA!

SHKARKO APP

App Store
Google Play

Paraqitje dinjitoze, por Shkëndija humb aktin e parë ndaj Qarabag

5 Gusht 2025, 21:54, Sport CNA

Paraqitje dinjitoze, por Shkëndija humb aktin e parë ndaj Qarabag

Shkëndija e Tetovës u mposht në shtëpi me një humbje minimale ndaj Qarabag, në sfidën e vlefshme për turin e tretë kualifikues të Ligës së Kampionëve. Skuadra shqiptare u ndëshkua në minutën e 18-të, pas një penalltie të kthyer në gol nga mesfushori Bayramov, i cili kaloi azerbajxhanasit në avantazh. Episodi vendimtar erdhi pas një faulli brenda zonës, që u konfirmua edhe nga teknologjia VAR.

Pavarësisht disavantazhit të hershëm, Shkëndija reagoi. Fillimisht me disa tentativa të pasakta, ndërsa pjesa e dytë solli rritje të ritmit dhe më shumë rrezikshmëri në zonën kundërshtare.

Kapiteni Ibraimi dhe mesfushori Uebster patën rastet më të mira për kuqezinjtë, por pa arritur të mposhtin portierin Kochalski, i cili u bë protagonist me disa ndërhyrje vendimtare, duke mbajtur portën të paprekur.

Në minutat e fundit të ndeshjes, trajneri Jeton Beqiri kërkoi më shumë përpara, por pa sukses konkret në rezultat. Tani, Shkëndijës i mbetet të përgatitet për sfidën e kthimit në transfertë, që parashikohet e vështirë ndaj një skuadre me përvojë në arenën ndërkombëtare si Qarabag. Megjithatë, drejtuesit dhe skuadra nuk heqin dorë nga shpresa për një përmbysje.

Pavarësisht rezultatit në këtë tur, Shkëndija e ka të garantuar pjesëmarrjen në fazën e grupeve të Conference League, në bazë të formatit aktual të kompeticioneve evropiane.

Kjo siguri i jep skuadrës një bazë të rëndësishme për vazhdimësinë, por fokusi momental mbetet te përballja e dytë, ku do të kërkohet një mrekulli sportive për të kaluar më tej në Champions League.





Lajmet e fundit nga