web counter
LEXO PA REKLAMA!

SHKARKO APP

App Store
Google Play

Një tjetër skuadër i bashkohet luftës për Superiore, si ndryshon renditja në Kategorinë e Parë

9 Prill 2023, 18:23, Sport CNA

Një tjetër skuadër i bashkohet luftës për Superiore, si

Është mbyllur java e 22-të në Kategorinë e Parë të futbollit. Ndeshjet sa vijnë e bëhen më të forta dhe lufta për t’u ngjitur në Superiore është bërë më e ashpër. Në kreun e klasifikimit nuk ka ndryshuar gjë për këtë javë.

Të tre skuadrat e para morën nga një barazim. Dy prej tyre Flamurtari dhe Skënderbeu u ndalën në barazim pa gola, ndërsa Dinamo barazoi 1-1 në Cërrik. Korçarët mbeten të parët me 42 pikë, 1 më shumë se Dinamo dhe 3 më shumë se Flamurtari.

E veçanta e kësaj jave është se tre skuadrave të para i është afruar dhe ekipi i Korabit. Ata tashmë janë vetëm 4 pikë larg Flamurtarit të vendit të tretë, pasi mundën 1-0 Orikun e vendit të 12-të. Skuadra nga Peshkopia me këtë 3 pikësh la pas në renditje Apoloninë dhe Tomorin.

Në mesin e tabelës Luzi ka fituar terren ndaj Burrelit dhe Besës. Këto dy të fundit po humbasin pozitat e tyre pasi kanë disa javë që nuk kanë rezultate pozitive.

Në fundin e tabelës është një luftë e ashpër për mbijetesë mes Besëlidhjes dhe Turbinës. Ndërsa Lushnja megjithëse u mund në Luz këtë javë është disi më e favorizuar. Oriku ka humbur shumë terren këto tre javë sepse ka marrë 3 rezultate negative. Tërbuni mbetet i fundit pas dënimit nga Komisioni i Disiplinës.

RENDITJA:

Një tjetër skuadër i bashkohet luftës për Superiore, si





Lajmet e fundit nga