web counter
LEXO PA REKLAMA!

SHKARKO APP

App Store
Google Play

Nga Konte, te Spaleti e Gatuzo, ja kandidatët për stolin e Italisë

13 Gusht 2023, 17:43, Sport CNA

Dorëheqja e papritur e Roberto Mançinit ka hapur skenarë të rëndësishëm për të ardhmen e disa trajnerëve italianë të cilët aktualisht janë të papunë. Federata Italiane, që kishte nisur një cikël të ri me trajnerin vetëm pak javë më parë duke i besuar plotësisht drejtimin teknik edhe të kombëtareve të moshave, tani duhet të nisë gjithçka nga e para dhe sidomos i duhet shpejt një trajner që njeh mirë talentin e të kaltërve.

Në garë janë shumë emra të njohur, me atë të Antonio Kontes që është për shumëkënd në majë të listës pasi edhe më parë është përfolur për një kthim të tij në pankinën e Italisë.

Por pa skuadër është një tjetër emër shumë i madh, Luçiano Spaleti, i freskët nga fitorja e titullit kampion me Napolin, për më tepër me një lojë shumë bindëse.

Nëse Federata do të hedhë sytë nga më të rinjtë, atëherë emra të mundshëm për t’u ulur në këtë pankinë janë ish-kampionët e Botës në vitin 2006 si Daniele De Rosi, Fabio Kanavaro apo Filipo Inzagi, edhe pse asnjëri prej tyre nuk vjen me një CV të shkëlqyer në trajning. Të tjerë që kanë filluar të qarkullojnë në mediat italiane janë Gatuzo, Montela, Zola apo Stamaçioni.





Lajmet e fundit nga