web counter
LEXO PA REKLAMA!

SHKARKO APP

App Store
Google Play

E fundit!

x

Në Spanjë e bëjnë të kryer/ Bayern Munich zgjedh trajnerin e ri

20 Prill 2024, 12:41, Sport CNA

Në Spanjë e bëjnë të kryer/ Bayern Munich zgjedh

Zinedin Zidane duket se është i zgjedhuri i Bayern Munich për stolin. Tekniku francez pritet të pasojë në stol, Thomas Tuchel-in, i cili do të largohet pas përfundimit të sezonit.

Sipas raportimeve nga Spanja, thuhet se drejtuesit bavarezë janë shumë pranë arritjes së marrëveshjes me Zidane-n.

Pasi dështuan të afrojnë Xabi Alonso-n dhe të rikthejnë Julian Nagelsmann-in, gjermanët kanë ndryshuar objektiv dhe janë fokusuar vetëm te tekniku francez.

51-vjeçari, i vetmi trajner që ka fituar Champions League për tri vite radhazi, ka bërë kërkesa të rëndësishme në merkato për klubin para se të marrë një vendim përfundimtar. Zidane ka kërkuar siguri për merkaton e verës, me referime të qarta për përforcimet që dëshiron të ketë në dispozicion për t’i thënë "po" projektit.

Nga Spanja bëjnë me dije se drejtuesit e Bayern-it janë të gatshëm t’i plotësojnë kërkesat dhe për këtë arsye marrëveshja duket e mbyllur. Zidane kërkon kryesisht afrime në repartin e mbrojtjes, të cilin e shikon si më problematikun.

Me kalimin te Bayern-i, Zidane do të rikthehej në stol pas tri sezoneve pushim, kur për herë të fundit drejtoi Realin e Madridit.

Projekti bavarez, gjithmonë në luftë për të gjithë titujt në Gjermani dhe çdo vit ndër favoritët e Champions-it, mund të jetë ai i duhuri për Zidane për t’iu rikthyer profesionit të trajnerit pas një pushimi të gjatë.





Lajmet e fundit nga