web counter
LEXO PA REKLAMA!

SHKARKO APP

App Store
Google Play

Siguruan pjesëmarrjen me pesë ekipe, Italia mund të përfaqësohet nga gjashtë skuadra në Champions

19 Prill 2024, 12:50, Sport CNA

Siguruan pjesëmarrjen me pesë ekipe, Italia mund të

Italia, bëhet shteti i parë që siguron pjesëmarrjen me pesë ekipe në Ligën e Kampioneve për sezonin e ardhshëm.

Kombinimet e kualifikimeve, në Europa League dhe Conference League, i siguruan Serisë A, që të dërgojë në Champions, edhe vendin e pestë.

Roma u kualifikua ndaj Milanit, ndërsa të njëjtën gjë bëri edhe skuadra tjetër italiane, Atalanta që kaloi Liverpool-in dhe do të marrin pjesë në gjyëmfinale.

Kësaj feste, iu bashkua edhe Fiorentina, që u kualifikua në gjysmëfinalen e Conference League, pasi kaloi çekët e Viktoria Plzen.

Këto kualifikime, i siguruan Italisë, pikët e mjaftueshme për të lënë pas të gjitha shtetet dhe të sigurojë zyrtarisht pjesëmarrjen me pesë ekipe në Ligën e Kampioneve.

Megjithatë, nuk përfundon këtu, pasi një skenar i çmendur, mund të bëjë që Seria A, të përfaqësohet me gjashtë ekipe. Ekziston edhe një variant, konkret, që Italia të përfaqësohet me 6 ekipe në Champions League, nëse Roma apo Atalanta të fitojnë Europa League, por duhet që këto dy ekipeve të mos kapin 5 vendet e para në Serie A.

Sezoni 2023-2024 do të mbyllë epokën e tetë grupeve, si dhe atë të 32 skuadrave që luajnë në fazën finale të Ligës së Kampioneve. Turneu i ri do të fillojë në 2024-2025, me 36 skuadra dhe një grup të vetëm. Me kalimin në Ligën e re të Kampionëve, ligat evropiane kanë mundësinë të kenë një ekip më shumë se në të kaluarën.

Pas Italisë, Anglia dhe Gjermania, synojnë gjithashtu të marrin pjesë me 5 ekipe, falë dy vendeve të para në renditjen e UEFA-s.

Renditja e UEFA-s bazohet në katër sezonet e mëparshme, plus vitin aktual. Në këtë mënyrë, në bazë të koeficientit të kampionatit në fjalë, mund të përcaktohet se sa skuadra pranohen në fazat e grupeve të Champions League, Europa League dhe Conference League.





Lajmet e fundit nga